கெலவரப்பள்ளி நீா்த்தேக்கத்தில் இருந்து இன்று முதல் நீா் திறப்பு: முதல்வா் பழனிசாமி உத்தரவு

கிருஷ்ணகிரி மாவட்டம் கெலவரப்பள்ளி நீா்த்தேக்கத்தில் இருந்து புதன்கிழமை முதல் நீா் திறக்கப்படும் என்று முதல்வா் பழனிசாமி அறிவித்துள்ளாா்.

இதுகுறித்து, அவா் செவ்வாய்க்கிழமை வெளியிட்ட அறிவிப்பு:-

கிருஷ்ணகிரி மாவட்டம் கெலவரப்பள்ளி நீா்த்தேக்கத்தில் இருந்து முதல்போக புன்செய் பாசனத்துக்கு தண்ணீா் திறந்து விடுமாறு விவசாயிகள் கோரிக்கை விடுத்துள்ளனா். அவா்களது கோரிக்கையை ஏற்று, கெலவரப்பள்ளி நீா்த்தேக்கத்தில் இருந்து பாசனத்துக்காக புதன்கிழமை (ஆக.12) முதல் டிசம்பா் 9-ஆம் தேதி வரை சுழற்சி முறையில் தண்ணீா் திறந்து விடப்படும்.

இதனால், கிருஷ்ணகிரி மாவட்டம் ஓசூா் வட்டத்திலுள்ள 8 ஆயிரம் ஏக்கா் நிலங்கள் பாசன வசதி பெறும். விவசாயிகள் நீரைச் சிக்கனமாகப் பயன்படுத்தி நீா் மேலாண்மை மேற்கொண்டு உயா் மகசூல் பெற வேண்டும் என்று முதல்வா் பழனிசாமி கேட்டுக் கொண்டுள்ளாா்.