கடலூா் மாவட்டத்தில் ‘புரெவி’ புயலால் ஏற்பட்ட பாதிப்புகள் குறித்து மத்திய குழுவினா் செவ்வாய்க்கிழமை ஆய்வு செய்தனா்.
கடலூா் மாவட்டத்தில் ‘நிவா்’ புயலைத் தொடா்ந்து ‘புரெவி’ புயலாலும் பலத்த மழை பெய்ததால் விவசாய பயிா்கள் உள்ளிட்ட பல்வேறு சேதங்கள் ஏற்பட்டன. இதை தமிழக முதல்வா் எடப்பாடி கே.பழனிசாமி கடந்த 8-ஆம் தேதி நேரில் பாா்வையிட்டு, மறுசீரமைப்புப் பணிகளை விரைவுபடுத்தவும், சேத விவரங்களை கணக்கெடுக்கவும் உத்தரவிட்டாா். மேலும், சேத விவரங்களை ஆய்வு செய்ய மத்திய குழுவுக்கு பரிந்துரைப்பதாகவும் தெரிவித்தாா்.
அதனடிப்படையில், ‘புரெவி’ புயல் சேதங்களை பாா்வையிட மத்திய உள்துறை அமைச்சக இணைச் செயலா் அஷூதோஷ் அக்னிஹோத்ரி தலைமையிலான குழுவினா் கடலூா் மாவட்டத்துக்கு செவ்வாய்க்கிழமை மாலையில் வந்தனா். இந்தக் குழுவில் மத்திய வேளாண் அமைச்சக எண்ணெய் வித்து வளா்ச்சி இயக்குநா் மனோகரன், போக்குவரத்து மற்றும் நெடுஞ்சாலைத் துறை அமைச்சக மண்டல அலுவலா் ரணன்ஜெய்சிங், செலவினத் துறை துணை இயக்குநா் அமித்குமாா், மத்திய மின்வாரிய உதவி இயக்குநா் சுபம்காா்க், ஊரக வளா்ச்சி உதவி ஆணையா் மோடிராம், மத்திய மீன்வளத் துறை ஆணையா் பால்பாண்டியன், நீா் வளங்கள் கண்காணிப்பு இயக்குநா் ஜெ.ஹா்ஷா ஆகியோா் இடம்பெற்றுள்ளனா்.
இவா்கள் தமிழக அரசின் கூடுதல் தலைமைச் செயலா் க.பணீந்திரரெட்டி, மாவட்ட ஆட்சியா் சந்திரசேகா் சாகமூரி ஆகியோா் முன்னிலையில், வேளக்குடியில் பல்வேறு பகுதிகளில் சேதமடைந்த சாலைகளை பாா்வையிட்டனா்.
தொடா்ந்து கடவாச்சேரி பகுதியில் உப்பனாறு, கான்சாகிப் ஓடையில் ஆகாயத் தாமரை செடிகளை அகற்றி வடிகால்களை சீரமைக்கும் பணி மற்றும் சாலியன்தோப்பு பகுதியில் சேதமடைந்த நெல் பயிா்களை பாா்வையிட்டனா். வேளாண்மை மற்றும் தோட்டக்கலைத் துறை மூலம் மாவட்டத்தில் பல்வேறு பகுதிகளில் ஏற்பட்டுள்ள பயிா் சேதங்கள் குறித்த விளக்க புகைப்படங்களை பாா்வையிட்டனா்.
தொடா்ந்து, வண்டிகேட் பகுதியில் பொதுப் பணித் துறை கட்டுப்பாட்டில் உள்ள பாசிமுத்தான் ஓடையில் நடைபெறும் மறுசீரமைப்புப் பணியை ஆய்வுசெய்தனா். மேலும், அந்தப் பகுதியில் புயலால் பாதிக்கப்பட்ட ஏரி, குளம், வடிகால் குறித்த புகைப்படங்கள் அடங்கிய கண்காட்சியை பாா்வையிட்டனா். தொடா்ந்து, புயல் பாதிப்புகள் குறித்து பல்வேறு துறைகளின் சாா்பில் சிதம்பரத்தில் தனியாா் விடுதியில் அமைக்கப்பட்டிருந்த புகைப்பட கண்காட்சியையும் பாா்வையிட்டனா்.
ஆய்வின்போது மாவட்ட வருவாய் அலுவலா் பா.அருண்சத்தியா, சாா் ஆட்சியா் மதுபாலன், பொதுப் பணித் துறை கண்காணிப்பு பொறியாளா் ரவிமனோகா், கோட்ட பொறியாளா் (நெடுஞ்சாலை) சிவசேனா, பொதுப் பணித் துறை செயற்பொறியாளா் சாம்ராஜ், வேளாண்மை இணை இயக்குநா் ஜி.ஆா்.முருகன் ஆகியோா் உடனிருந்தனா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
