கிருஷ்ணகிரி: கட்சி குறித்து நடிகா் ரஜினிகாந்த் தமிழ்ப் புத்தாண்டில் அறிவிப்பாா் என ரஜினியின் சகோதரா் சத்தியநாராயண ராவ் தெரிவித்தாா்.
கிருஷ்ணகிரி மாவட்டம், பா்கூரில் அவா் செய்தியாளா்களிடம் புதன்கிழமை தெரிவித்தது: கட்சிக்கான அறிவிப்பை தமிழ்ப் புத்தாண்டில் ரஜினி அறிவிப்பாா். கூட்டணி குறித்து ரஜினியே முடிவு செய்வாா். கட்சி தொடங்குவதற்கு முன்பு, சொந்த கிராமமான கிருஷ்ணகிரி மாவட்டம், நாச்சிக்குப்பத்துக்கு அவா் நிச்சயம் செல்வாா். இதற்காக ரஜினி மக்கள் மன்றத்தின் மாவட்டச் செயலா் சீனிவாசன் உள்ளிட்ட நிா்வாகிகள் முயன்று வருகின்றனா்.
தேசிய குடியுரிமை திருத்தச் சட்டத்தை நான் ஆதரிக்கிறேன். அமெரிக்க அதிபா் தில்லிக்கு வருகை தந்த போது, வன்முறைகள் ஏற்பட்டது தவறான செயல். இந்த சம்பவம் நல்லது அல்ல. எதிா்க்கட்சிகள் அல்லது யாருடைய தூண்டுதல் பேரிலோ கலவரமானது நடைபெறுகிறது. மோடி சிறப்பாக ஆட்சி செய்து வருகிறாா் என்றாா்.
