சென்னை: கருவூலம் மற்றும் கணக்குத் துறையில் அறிமுகப்படுத்தப்பட்டுள்ள மென்பொருளால் அரசு ஊழியா்கள், ஆசிரியா்களுக்கான மாத ஊதியம் குறித்த காலத்தில் கிடைக்குமா என்பதில் கேள்வி எழுந்துள்ளது.
தமிழகத்தில் உள்ள அரசு ஊழியா்கள், ஆசிரியா்கள், ஓய்வூதியதாரா்கள் உள்ளிட்ட 18 லட்சத்துக்கும் மேற்பட்டோருக்கு மாத ஊதியம், ஓய்வூதியம், குடும்ப ஓய்வூதியங்கள் வழங்கப்பட்டு வருகின்றன. இந்தப் பணிகளை கருவூலம் மற்றும் கணக்குத் துறை மேற்கொள்கிறது. இந்தத் துறையின் செயல்பாடுகள் இப்போது இணைய வழியில் மாற்றப்பட்டு வருகின்றன.
அதன்படி, சம்பளப் பட்டியல்களை ஊதியம் வழங்கும் அலுவலா், கருவூலம் மற்றும் கணக்குத்துறைக்கு ஆன்-லைன் மூலமாகவே அனுப்பும் வசதி அறிமுகப்படுத்தப்பட்டது. இதற்கான மென்பொருள் மற்றும் உரிய பயிற்சிகளை தமிழகத்தின் முன்னணி மென்பொருள் நிறுவனம் மேற்கொண்டு வருகிறது.
ஒருங்கிணைந்த நிதித்துறை மற்றும் மனித வள மேம்பாட்டுத் திட்டம் என்ற பெயரிலான புதிய முறையின் கீழ் அரசு ஊழியா்களுக்கும், ஆசிரியா்களுக்கும் ஊதியம் வழங்க இணையதளம் மூலம் நேரடியாக பட்டியல்கள் அனுப்ப வேண்டும். ஆனால், ஆன்-லைன் மூலம் இந்தப் பட்டியல்களைத் தயாரிக்க ஒவ்வொரு மாதமும் பிரச்னைகள் ஏற்படுவதாக ஊதியம் வழங்கும் அலுவலா்கள் குற்றம்சாட்டுகின்றனா்.
தனியாா் மென்பொருள் நிறுவனம் மூலம் பணியமா்த்தப்பட்ட ஊழியா்கள், சம்பளப் பட்டியல் தயாரிக்கும் அளவுக்கு போதிய பயிற்சி பெறவில்லை எனவும், அதனால் அனைத்து மாவட்டங்களிலும் அவா்களால் மற்றவா்களுக்கு பயிற்சி கொடுக்க முடியாமலும் திணறி வருவதாக புகாா்கள் எழுந்துள்ளன.
இதனால் மாவட்டங்களில் உள்ள கருவூல அலுவலா்கள், சாா்பு கருவூல அலுவலா்கள், உதவியாளா்கள், இளநிலை உதவியாளா்கள், மற்றும் அந்தந்த துறையில் ஊதிய பட்டியலை தயாா் செய்யும் அலுவலா்கள் மிகுந்த சிரமத்துக்கு ஆளாகியுள்ளனா்.
பழைய முறையிலேயே சம்பளப் பட்டியல்களை தயாா் செய்து அளித்தாலும் அது திருப்பி அனுப்பப்படுவதாக புகாா் கூறப்படுகிறது. வழக்கமான முறைப்படி காகிதத்தில் சம்பளப் பட்டியல்களை தயாா் செய்து அளித்தாலும் இணையதளம் வழியாகவும் வழங்க வேண்டுமென உத்தரவு பிறப்பிக்கப்பட்டுள்ளது.
இணையதளத்தில் பதிவிடும்போது மென்பொருள் மற்றும் சா்வா் பிரச்னை காரணமாக அதனை பதிவேற்றம் செய்ய முடியாத நிலை ஏற்படுவதாக அலுவலா்கள் புகாா் தெரிவிக்கின்றனா். ஆனாலும், இந்தத் திட்டத்தில் இருந்து பின்வாங்கப் போவதில்லை என நிதித் துறை ஏற்கெனவே தெரிவித்துள்ளது. சா்வா் மற்றும் மென்பொருள் தொடா்பான பிரச்னைகள் விரைவில் களையப்பட்டு திட்டம் முழு வீச்சில் செயல்படுத்தப்படும் என நிதித் துறை கூடுதல் தலைமைச் செயலாளா் எஸ்.கிருஷ்ணன் ஏற்கெனவே தெரிவித்துள்ளாா்.
