கோயில்கள் மூடலால் அா்ச்சகா்கள், ஓதுவாா்களுக்கு நிவாரணம் கோரிய வழக்கு: தமிழக அரசு பதிலளிக்க உத்தரவு

கோயில்கள் மூடப்பட்டுள்ளதால் பாதிக்கப்பட்டுள்ள அா்ச்சகா்கள், ஓதுவாா்களுக்கு மாதந்தோறும் ரூ.15 ஆயிரம் நிவாரணமாக வழங்கக் கோரிய வழக்கை விசாரித்த உயா்நீதிமன்றம், இரண்டு வாரங்களில் பதிலளிக்க இந்துசமய அறநிலையத்துறைக்கு உத்தரவிட்டுள்ளது.

சென்னை உயா்நீதிமன்றத்தில் தினமலா் திருச்சி-வேலூா் பதிப்பு வெளியீட்டாளரான ஆா்.ஆா்.கோபால்ஜி தாக்கல் செய்த பொதுநல மனுவில், ‘கரோனா நோய்த்தொற்று காரணமாக கடந்த மாா்ச் மாதம் அறிவிக்கப்பட்ட பொது முடக்கம் நீட்டிக்கப்பட்டுக் கொண்டே வருகிறது. பொது முடக்கத்தால் கோயில்கள் மூடப்பட்டுள்ளன. இதனால் கோயில்களை நம்பி வாழும் அா்ச்சகா்கள், பட்டாச்சாா்யா்கள், பூசாரிகள், ஓதுவாா்கள், அத்யாபகா்கள், வேதபாராயணிகள்

உள்ளிட்டோா் வருவாய் இழந்து கடுமையாகப் பாதிக்கப்பட்டுள்ளனா். கோயில்கள் மூடப்பட்டாலும், இவா்கள் நாள்தோறும் கோயிலுக்கு வந்து பூஜைகள் உள்ளிட்ட அன்றாட பணிகளை வழக்கம்போல் செய்து வருகின்றனா்.

அவா்களுக்கு, நிா்ணயிக்கப்பட்ட மாத ஊதியம் வழங்கப்படுவது இல்லை. கோயிலுக்கு வரும் நாள்களுக்கு மட்டுமே ஊதியம் வழங்கப்படுகிறது.

தமிழகத்தில் உள்ள கோயில்கள் மூலம் கிடைக்கும் வருமானத்தில் 35 சதவீதம் இந்துசமய அறநிலையத்துறை அதிகாரிகள் மற்றும் பணியாளா்களுக்கு ஊதியமாக வழங்கப்படுகிறது. அதே போன்று 35 சதவீதம் கோயில் பராமரிப்புக்காக செலவிடப்படுகிறது. மீதமுள்ள 30 சதவீதம் கோயில்களின் உபரி நிதியாக பராமரிக்கப்பட்டு வருகிறது. இந்து சமய

அறநிலையத் துறையிடம் இப்போது 30 சதவீத உபரி நிதியாக ரூ.300 கோடி உள்ளது. பொதுமுடக்க காலத்திலும் அறநிலையத் துறை பணியாளா்களுக்கு முழு ஊதியம் வழங்கப்படுகிறது. ஆனால், அா்ச்சகா்கள் உள்ளிட்டவா்களுக்கு ஊதியம் வழங்கப்படுவது இல்லை. இந்த உபரி நிதியில் இருந்து அா்ச்சகா்கள் உள்ளிட்டோருக்கு மாதம்தோறும் தலா ரூ.1000 வழங்கப்படும் என தமிழக அரசு கடந்த ஏப்ரல் மாதம் அறிவித்தது. ஆனால், 2-ஆவது தவணை நிவாரணத் தொகைக்கான பட்டியலில் 10 ஆயிரத்து 448 அா்ச்சகா்கள் மட்டுமே சோ்க்கப்பட்டுள்ளனா். இவா்கள் தவிர, அத்யாபகா்கள், ஓதுவாா்கள் உள்ளிட்ட மற்ற பணியாளா்கள் சோ்க்கப்படவில்லை. எனவே அா்ச்சகா்கள், அத்யாபகா்கள், வேதபாராயணிகள், ஓதுவாா்கள் ஆகியோருக்கு மாதம் ரூ.15 ஆயிரம், மற்ற பணியாளா்களுக்கு மாதம் ரூ.7 ஆயிரம் வழங்க வேண்டும் என இந்துசமய அறநிலையத்துறை ஆணையருக்கும், அரசின் தலைமைச் செயலாளருக்கும் கடந்த மே மாதம் மின்னஞ்சல் மூலம் முறையீட்டு மனு அனுப்பினேன்.

ஆனால், இதுவரை அந்த மனுவின் மீது எந்த நடவடிக்கையும் எடுக்கப்படவில்லை. எனவே, அா்ச்சகா்கள் உள்ளிட்டோருக்கு மாதம் ரூ.15 ஆயிரம் நிதியுதவி வழங்க உத்தரவிட வேண்டும்’ எனக் கோரியிருந்தாா்.

இந்த வழக்கை நீதிபதிகள் ஆா்.சுப்பையா, கிருஷ்ணன் ராமசாமி ஆகியோா் காணொலிக் காட்சி மூலம் விசாரித்தனா். அப்போது மனுதாரா் தரப்பில் வழக்குரைஞா் கௌசிக், இந்துசமய அறநிலையத் துறை தரப்பில் வழக்குரைஞா் காா்த்திகேயன் ஆகியோா் ஆஜராகி வாதிட்டனா்.

வழக்கை விசாரித்த நீதிபதிகள் இந்த மனு தொடா்பாக 2 வாரங்களில் இந்துசமய அறநிலையத் துறை பதிலளிக்க உத்தரவிட்டு விசாரணையை ஒத்திவைத்தனா்.