Enable Javscript for better performance
ஜெ. அன்பழகன் உடல் நல்லடக்கம் | J. Annabhagan funeral- Dinamani

சுடச்சுட

    

    திமுக எம்எல்ஏ ஜெ. அன்பழகன் உடல் நல்லடக்கம்

    By DIN  |   Published on : 10th June 2020 01:31 PM  |   அ+அ அ-   |    |  

    J_Anbazhagan_EPS_Photo


    சென்னை: கரோனா தொற்று பாதித்து சிகிச்சை பலனின்றி உயிரிழந்த திமுக எம்எல்ஏ ஜெ. அன்பழகனின் உடல் தி.நகரில் உள்ள கண்ணம்மாபேட்டை மயானத்தில் நல்லடக்கம் செய்யப்பட்டது.

    கரோனா தொற்றால் பாதிக்கப்பட்டு மூச்சு திணறலால் வென்டிலேட்டர் உதவியுடன் சிகிச்சை பெற்றுவந்த திமுக எம்எல்ஏ ஜெ.அன்பழகன்(62) சிகிச்சை பலனின்றி புதன்கிழமை காலை காலமானார். 

    சென்னை மேற்கு மாவட்ட திமுக செயலாளரும், சேப்பாக்கம் - திருவல்லிக்கேணி தொகுதி எம்எல்ஏ-வுமான ஜெ.அன்பழகன், கடந்த 2-ஆம் தேதி குரோம்பேட்டையில் உள்ள ரேலா மருத்துவமனையில் அனுமதிக்கப்பட்டாா். பரிசோதனையில் அவருக்கு கரோனா தொற்று உறுதி செய்யப்பட்டது.

    இந்த நிலையில், அவரது உடல்நிலை நேற்று கவலைக்கிடமாகி, இன்று காலை அவர் உயிரிழந்தார். மிகுந்த பாதுகாப்புடன் அவரது உடல் முழுவதுமாக மூடப்பட்டு சவப்பெட்டியில் வைக்கப்பட்டு, மருத்துவமனையில் இருந்து சென்னை தி.நகரில் உள்ள மகாலட்சுமி தெருவில் இருக்கும் வீட்டுக்கு ஜெ. அன்பழகன் உடல் எடுத்துச் செல்லப்பட்டது.

    தமிழகத்தில் கரோனா தொற்றுக்கு பலியான முதல் எம்எல்ஏ ஜெ.அன்பழகன்

    வீட்டுக்கு எடுத்துச் செல்லப்பட்ட ஜெ. அன்பழகன் உடலுக்கு, நெருங்கிய உறவினர்களும், அப்பகுதியில் வாழும் பொதுமக்களும் அஞ்சலி செலுத்தினர்.

    பின்னர், தி.நகரில் உள்ள கண்ணம்மாபேட்டை மயானத்துக்கு கொண்டு செல்லப்பட்டது. பாதுகாப்பு உபகரண ஆடை அணிந்திருந்த நான்கு பேர் மட்டுமே, அவரது உடல் இருந்த சவப்பெட்டியை தொட அனுமதிக்கப்பட்டனர்.

    கண்ணம்மாபேட்டையில் தயாராக இருந்த குழியில், அவரது உடல் மிகவும் பாதுகாப்பான முறையில் நல்லடக்கம் செய்யப்பட்டது. அவரது தந்தை பழக்கடை ஜெயராமன் புதைக்கப்பட்ட இடத்துக்கு அருகே ஜெ. அன்பழகனின் உடலும் புதைக்கப்பட்டது.

    நல்லடக்கம் செய்யப்பட்ட இடத்தில், ஏராளமான திமுகவினர் கண்ணீர்மல்க பிரியாவிடை கொடுத்தனர்.
     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp