சென்னை: சென்னையில் ஆபரணத்தங்கம் திங்கள்கிழமை பவுனுக்கு ரூ.344 குறைந்து, ரூ.36,072-க்கு விற்பனை செய்யப்பட்டது.
கரோனா நோய்த்தொற்றின் தாக்கம், அமெரிக்க டாலருக்கு நிகரான இந்திய ரூபாயின் மதிப்பு சரிவு உள்ளிட்ட பல்வேறு காரணங்களால் தங்கம் விலை உயர்ந்து வந்தது. ஏப்ரல் 10-ஆம் தேதி ரூ.35 ஆயிரத்தையும், ஏப்ரல் 14-ஆம் தேதி ரூ.36 ஆயிரத்தையும் தாண்டியது. அதன்பிறகு, தங்கம் விலை ஏற்ற, இறக்கமாக இருந்து வருகிறது.
இந்நிலையில், சென்னையில் ஆபரணத் தங்கம் திங்கள் கிழமை பவுனுக்கு ரூ.344 குறைந்து, ரூ.36,072-க்கு விற்பனை செய்யப்பட்டது. ஒரு கிராமுக்கு ரூ.43 குறைந்து, ரூ.4,509-ஆக இருந்தது. வெள்ளி ஒரு கிராமுக்கு 90 பைசா குறைந்து ரூ.52.10 ஆகவும், கட்டி வெள்ளி கிலோவுக்கு ரூ.900 குறைந்து, ரூ.52,100 ஆகவும் இருந்தது.
திங்கள்கிழமை விலை ரூபாயில் (ஜி.எஸ்.டி. தனி)
1 கிராம் தங்கம் 4,509
1 பவுன் தங்கம் 36,072
1 கிராம் வெள்ளி 52.10
1 கிலோ வெள்ளி 52,100
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
