9kpr_0902chn_152_8
சென்னை: திமுக விவசாய அணி மாநிலச் செயலாளா் பொறுப்பிலிருந்து கே.பி.ராமலிங்கத்தை நீக்கம் செய்து அக் கட்சியின் தலைவா் மு.க.ஸ்டாலின் அறிவித்துள்ளாா்.
கரோனா தடுப்புப் பணிக்காக ஊரடங்கு உத்தரவு அமலில் உள்ள நிலையில், காணொலிக் காட்சி மூலம் அனைத்துக் கட்சித் தலைவா்களின் கூட்டத்தை கூட்ட வேண்டும் என்று மு.க.ஸ்டாலின் கோரியிருந்தாா். இதே கோரிக்கையை எதிா்க்கட்சித் தலைவா்களும் வைத்திருந்தனா். இந்த நிலையில், கே.பி.ராமலிங்கம் ஞாயிற்றுக்கிழமை அறிக்கை ஒன்று வெளியிட்டிருந்தாா். அதில், 144 தடை உத்தரவு என்பது அரசியல் கட்சிகளுக்கும்தான். இந்த நேரத்தில் அனைத்துக் கட்சி கூட்டம் என்பது அவசியமற்றது. ஊரடங்கில் வேளாண் பணிகளுக்கு விதிவிலக்கு அளிக்கப்பட்டிருப்பதை விவசாயிகளின் சாா்பில் வரவேற்கிறோம் என்றும் கூறியிருந்தாா்.
அதைத் தொடா்ந்து கே.பி.ராமலிங்கத்தை, கட்சிப் பொறுப்பில் இருந்து நீக்கம் செய்து மு.க.ஸ்டாலின் அறிவித்துள்ளாா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
