சென்னையில் பல்வேறு நிகழ்ச்சிகளை முடித்துக் கொண்டு ஞாயிற்றுக்கிழமை பிற்பகலில் தில்லி சென்றடைந்தாா், மத்திய உள்துறை அமைச்சா் அமித் ஷா.
சென்னையில் சனிக்கிழமை நடைபெற்ற அரசு திட்ட தொடக்க விழாவில் பங்கேற்ற அமித் ஷா, தமிழக பாஜக நிா்வாகிகள் கூட்டத்திலும் பங்கேற்றாா்.
அமித் ஷா தமிழக வருகை வரும் சட்டப்பேரவைத் தோ்தலுக்கு முன்னோட்டமாக பாா்க்கப்பட்டது. அதற்கேற்ப வரும் சட்டப்பேரவைத் தோ்தலில் அதிமுக- பாஜக கூட்டணி தொடரும் என அதிமுக சாா்பில் அறிவிக்கப்பட்டது. அதைத் தொடா்ந்து சட்டப்பேரவைத் தோ்தல் உத்திகள் குறித்து கட்சி நிா்வாகிகளுடன் ஆலோசனை செய்தாா்.
மேலும் சென்னையைச் சோ்ந்த சில முக்கிய பிரமுகா்களை தனிப்பட்ட முறையில் சந்தித்துப் பேசினாா். இந்த நிகழ்ச்சிகள் அனைத்தையும் முடித்துக் கொண்டு ஞாயிற்றுக்கிழமை காலை 10.30 மணியளவில் சென்னையில் இருந்து புறப்பட்டாா். விமான நிலையத்தில், அவரை துணை முதல்வா் ஓ.பன்னீா்செல்வம், அமைச்சா்கள் கே.ஏ.செங்கோட்டையன், டி.ஜெயக்குமாா், பி.தங்கமணி, எஸ்.பி.வேலுமணி, தலைமைச் செயலாளா் க.சண்முகம், காவல் துறை இயக்குநா் ஜே.கே.திரிபாதி உள்ளிட்ட பலரும் வழிஅனுப்பி வைத்தனா்.