கம்பம்: சென்னையில் நடைபெற்ற திமுக பொதுக்குழுக் கூட்டத்தின் காணொலிக் காட்சியில் தேனி மாவட்ட திமுகவினர் கம்பத்தில் கலந்து கொண்டனர்.
திமுக மாநில பொதுக்குழு கூட்டம் சென்னையில் அறிவாலயத்தில் நடைபெற்றது. இதில், புதிய நிர்வாகிகள் அறிமுகம் மற்றும் முக்கிய தீர்மானங்கள் நிறைவேற்றப்பட்டன.
கரோனா தொற்று அபாயத்தால் அந்தந்த மாவட்டத்தில் உள்ள பொதுக்குழு உறுப்பினர்கள் மாவட்டங்களிலேயே காணொலிக் காட்சி மூலம் பங்கேற்க தலைமை அறிவுறுத்தியது.
அதனடிப்படையில் தேனி மாவட்ட திமுகவினர் கம்பம் நடராஜன் திருமண மண்டபத்தில் நடைபெற்ற காணொலிக் காட்சியில் கலந்து கொண்டனர்.
இதில் மாவட்ட திமுக பொறுப்பாளர் என்.ராமகிருஷ்ணன், கொள்கை பரப்புச் செயலாளர் தங்க தமிழ்ச்செல்வன், முன்னாள் மாவட்ட பொறுப்பாளர்கள் எல்.மூக்கையா, எம்.ஜெயக்குமார் உள்ளிட்ட 58 பொதுக்குழு உறுப்பினர்கள் கலந்து கொண்டனர்.