தங்கம் பவுன் ரூ.39,240

சென்னையில் வெள்ளிக்கிழமை ஆபரணத் தங்கத்தின் விலை பவுனுக்கு ரூ.120 குறைந்து, ரூ.39,240-க்கு விற்பனை செய்யப்பட்டது.

சா்வதேச பொருளாதாரச் சூழல், அமெரிக்க டாலருக்கு நிகரான இந்திய ரூபாய் மதிப்பு, வேலைவாய்ப்பு குறியீடு , தொழில்துறை நிலவரம் உள்பட பல்வேறு காரணிகள் தங்கத்தின் விலையை நிா்ணயிப்பதில் முக்கிய பங்கு வகிக்கின்றன. ஆகஸ்ட் மாதத்தில் தங்கத்தின் விலை வரலாறு காணாத உச்சத்தைத் தொட்டது. அதன்பிறகு, தங்கத்தின் விலை குறைந்தாலும், கடந்த சில நாள்களாக ஏற்ற, இறக்கமாக இருந்து வருகிறது.

இந்நிலையில், சென்னையில் வெள்ளிக்கிழமை ஆபரணத் தங்கத்தின் விலை ரூ.120 குறைந்து, ரூ.39,240-க்கு விற்பனை செய்யப்பட்டது. ஒரு கிராம் ரூ.15 குறைந்து, ரூ.4,905 ஆக இருந்தது. இதுபோல, வெள்ளி விலையும் சற்று குறைந்தது. வெள்ளி கிராமுக்கு 40 பைசா குறைந்து, ரூ.70 ஆகவும், கட்டிவெள்ளி கிலோவுக்கு ரூ.400 குறைந்து, ரூ.70,000 ஆகவும் இருந்தது.

வெள்ளிக்கிழமை விலை ரூபாயில் (ஜி.எஸ்.டி.தனி)

1 கிராம் தங்கம்.......................... 4,905

1 பவுன் தங்கம்...............................39,240

1 கிராம் வெள்ளி.............................70.00

1 கிலோ வெள்ளி.............................70,000

வியாழக்கிழமை விலை ரூபாயில் (ஜி.எஸ்.டி.தனி)

1 கிராம் தங்கம்.......................... 4,920

1 பவுன் தங்கம்...............................39,360

1 கிராம் வெள்ளி.............................70.40

1 கிலோ வெள்ளி.............................70,400