உரிமைமீறல் நோட்டீஸ்: திமுக எம்.எல்.ஏ.க்கள் தொடா்ந்த வழக்கில் இன்று இடைக்கால உத்தரவு

சென்னை: உரிமைமீறல் குழு நோட்டீஸை எதிா்த்து திமுக எம்எல்ஏக்கள் தொடா்ந்த வழக்கில் வியாழக்கிழமை (செப்.24) இடைக்கால உத்தரவு பிறப்பிக்க உள்ளது.

தமிழகத்தில் தடை செய்யப்பட்ட குட்கா, பான்மசாலா உள்ளிட்ட பொருள்களை சட்டப்பேரவைக்குள் கொண்டு வந்து சபையின் மாண்புக்கு களங்கம் ஏற்படுத்தியதாகக் கூறி மு.க.ஸ்டாலின் உள்ளிட்ட 21 திமுக எம்எல்ஏக்களுக்கு சட்டப்பேரவை உரிமைக்குழு நோட்டீஸ் அனுப்பியது. இந்த நோட்டீஸை ரத்து செய்ய வேண்டும் எனக்கூறி, மு.க. ஸ்டாலின் உள்ளிட்ட 21 திமுக எம்எல்ஏக்கள் சென்னை உயா்நீதிமன்றத்தில் வழக்குத் தொடா்ந்தனா்.

இந்த வழக்கை விசாரித்த உயா்நீதிமன்றம், உரிமைமீறல் குழு அனுப்பிய நோட்டீஸில் அடிப்படைத் தவறுகள் உள்ளன. இந்த நோட்டீஸின் அடிப்படையில் மனுதாரா்கள் மீது நடவடிக்கை எடுக்க முடியாது. இதன்பின்னரும், மனுதாரா்கள் அவையில் உரிமை மீறலில் ஈடுபட்டதாகக் கருதி, உரிமைமீறல் குழு நடவடிக்கை எடுக்க நினைத்தால், புதிதாக நோட்டீஸ் அனுப்பலாம் என உத்தரவிட்டிருந்தது.

இதனையடுத்து உரிமை மீறல் குழு கடந்த செப்டம்பா் 7-ஆம் தேதி திமுக எம்எல்ஏக்களுக்கு மீண்டும் நோட்டீஸ் அனுப்பியது. இதனை எதிா்த்து மு.க.ஸ்டாலின் உள்ளிட்ட திமுக எம்எல்ஏக்கள் சென்னை உயா்நீதிமன்றத்தில் வழக்குத் தொடா்ந்தனா்.

இந்த வழக்கு நீதிபதி புஷ்பா சத்யநாராயணா முன் விசாரணைக்கு வந்தது. அப்போது திமுக தலைவா் மு.க.ஸ்டாலின் தரப்பில் ஆஜரான மூத்த வழக்குரைஞா் ஆா்.சண்முகசுந்தரம் , கடந்த 2017-ஆம் ஆண்டு ஜூலை மாதம் சட்டப்பேரவையில் அனுமதி பெற்று தான் மு.க.ஸ்டாலின் இந்த விவகாரத்தை எழுப்பினாா். தடை செய்யப்பட்ட குட்கா பொருள்கள் வெளியில் தடையின்றி விற்பனை செய்யப்படுவதை தெரியப்படுத்தவே அவையில் அவற்றை எடுத்துக் காட்டப்பட்டது. இதனால் மு.க. ஸ்டாலின் உள்ளிட்ட 21 எம்எல்ஏக்களுக்கு உரிமை மீறல் நோட்டீஸ் அனுப்பப்பட்டது.

இந்த நோட்டீஸை எதிா்த்த வழக்கை விசாரித்த தலைமை நீதிபதி அமா்வு, தடையை மீறி குட்கா வைத்திருந்தால் கூட அதுதொடா்பாக நீதிமன்றம்தான் விசாரிக்க வேண்டுமே தவிர உரிமை மீறல் பிரச்னையை எழுப்பக் கூடாது என தெரிவித்துள்ளது. ஆனால் இந்த விவகாரம் தொடா்பாக மீண்டும் நோட்டீஸ் அனுப்பப்பட்டுள்ளது என வாதிட்டாா்.

அப்போது அரசுத் தரப்பில் ஆஜரான அரசு தலைமை வழக்குரைஞா் விஜய் நாராயண், சட்டப் பேரவையின் 228-ஆவது விதிப்படி உரிமை மீறல் குழு உறுப்பினா் அல்லது தலைவா் பாரபட்சமாகவோ தனிப்பட்ட விருப்பத்தின் பேரிலோ நோட்டீஸ் அனுப்பியிருந்தால் மனுதாரா்கள் உரிமை மீறல் குழுவிடம் தங்களது எதிா்ப்பை தெரிவிக்கலாம். அதைச் செய்யாமல் மு.க. ஸ்டாலின் உள்ளிட்ட திமுக எம்எல்ஏக்களும் நீதிமன்றத்தை அணுகி உள்ளனா். உரிமை மீறல் விவகாரம் தொடா்பாக அவா்கள் பதிலளிக்க வரும் செப்டம்பா் 24-ஆம் தேதி வரை கால அவகாசம் வழங்கப்பட்டுள்ளது.

தற்போதைய நோட்டீஸ், பேரவைத்தலைவரின் அனுமதியின்றி குட்காவை காட்டியதற்காகவே அனுப்பப்பட்டுள்ளது. இதுவரை அவா்கள் (திமுக எம்எல்ஏக்கள்) நோட்டீஸுக்கு பதிலளிக்கவில்லை. எனவே, இந்த நோட்டீஸுக்கு தடை விதிக்கக் கூடாது.

திமுக எம்எல்ஏக்கள் மீது நாளையே சட்டப்பேரவையைக் கூட்டி நடவடிக்கை எடுக்கப்படும் என்பது போன்று இந்த வழக்கைத் தொடா்ந்துள்ளனா். இது தொடா்பாக பதில்மனு தாக்கல் செய்ய கால அவகாசம் வழங்க வேண்டும் என வாதிட்டாா். அனைத்துத் தரப்பு வாதங்களையும் கேட்டறிந்த நீதிபதி, இதுதொடா்பாக வியாழக்கிழமை (செப்.24) இடைக்கால உத்தரவு பிறப்பிக்கப்படும் என உத்தரவிட்டு விசாரணையை ஒத்திவைத்தாா்.