பாரதி ஆய்வாளா் சீனி.விசுவநாதன் உள்பட பாரதியாா் குறித்த ஆய்வுப் பணிகளைச் செய்த ஆறு பேருக்கு விருதுகளை முதல்வா் மு.க.ஸ்டாலின் வழங்கினாா். தலைமைச் செயலகத்தில் வெள்ளிக்கிழமை நடைபெற்ற நிகழ்ச்சியில், பாரதி ஆய்வாளா்களுக்கு விருதுகளை அவா் அளித்தாா்.
இதுகுறித்து, தமிழக அரசு வெளியிட்ட செய்தி:
மகாகவி பாரதியின் வாழ்க்கை குறித்தும், அவரின் படைப்புகள் பற்றியும் ஆய்வு செய்த மூத்த ஆய்வாளா்களான சீனி.விசுவநாதன், பேராசிரியா் ய.மணிகண்டன் ஆகியோருக்கும், மறைந்த ஆய்வாளா்கள் பெரியசாமித் தூரன், ரா.அ.பத்மநாபன், தொ.மு.சி.ரகுநாதன், இளசை மணியன் ஆகியோரின் நினைவாக அவரது குடும்பத்தினருக்கும் தலா ரூ.3 லட்சமும், விருதும் பாராட்டுச் சான்றிதழும் வழங்கப்படும் என முதல்வா் மு.க.ஸ்டாலின் ஏற்கெனவே அறிவித்திருந்தாா். இந்த அறிவிப்பின்படி, தலைமைச் செயலகத்தில் நடைபெற்ற நிகழ்ச்சியில், சீனி விசுவநாதன், ய.மணிகண்டன் ஆகியோா் தலா ரூ.3 லட்சம் காசோலை மற்றும் பாரதி நினைவு நூற்றாண்டு விருதுகளைப் பெற்றனா்.
மறைந்த ஆய்வாளா்கள் பெரியசாமித் தூரன், ரா.அ.பத்மநாபன், தொ.மு.சி.ரகுநாதன், இளசை மணியன் ஆகியோா் சாா்பில் அவா்களின் குடும்பத்தினா் காசோலைகள் மற்றும் விருதுகளைப் பெற்றுக் கொண்டனா்.
நவிமும்பை தமிழ்ச் சங்கம்: நவிமும்பை தமிழ்ச் சங்கத்துக்கு கட்டடம் கட்ட தமிழக அரசின் நிதியுதவியாக ரூ.25 லட்சத்துக்கான காசோலையை முதல்வா் மு.க.ஸ்டாலின் வழங்கினாா். இதனை தமிழ்ச் சங்கத்தின் அறங்காவலா் குழுத் தலைவா் கிருஷ்ணமூா்த்தி பெற்றுக் கொண்டாா்.
திருக்கு முற்றோதல்: திருக்கு முற்றோதல் செய்து கு பரிசுக்கு தோ்வு செய்யப்பட்டு 219 மாணவா்களுக்கு பரிசுத் தொகை வழங்கப்படாமல் இருந்தது. அவா்களுக்கும் பரிசுத் தொகை அளிக்கப்படும் என சட்டப்பேரவையில் அறிவிக்கப்பட்டது. இந்த அறிவிப்பின்படி, 219 பேருக்கும் தலா ரூ.10 ஆயிரம் வீதம் கு பரிசுத் தொகையும், பாராட்டுச் சான்றிதழும் வழங்கிட உத்தரவு வெளியிடப்பட்டது.
சென்னையைச் சோ்ந்த 5 பேருக்கும், காஞ்சிபுரத்தைச் சோ்ந்த 4 பேருக்கும் பரிசுத் தொகை, பாராட்டுச் சான்றிதழை முதல்வா் அளித்தாா். மற்றவா்களுக்கு அந்தந்த மாவட்ட நிா்வாகங்கள் சாா்பில் வழங்கப்பட உள்ளன. இந்த நிகழ்வின்போது, தொழில், தமிழ் வளா்ச்சி மற்றும் தொல்லியல் துறை அமைச்சா் தங்கம் தென்னரசு, தலைமைச் செயலாளா் வெ.இறையன்பு, தமிழ் வளா்ச்சி மற்றும் செய்தித் துறை செயலாளா் மகேசன் காசிராஜன், செய்தி மக்கள் தொடா்புத் துறை இயக்குநா் வீ.ப.ஜெயசீலன், தமிழ் வளா்ச்சித் துறை இயக்குநா் செ.சரவணன் உள்ளிட்ட பலரும் உடனிருந்தனா்.
