எய்ட்ஸை குணப்படுத்த மருந்து: சென்னை ஐஐடி விஞ்ஞானிகள் சாதனை

எய்ட்ஸ் நோயைக் குணப்படுத்தும் புதிய மருந்தை கண்டுபிடித்து சென்னை ஐஐடி உயிரி தொழில்நுட்பத் துறை விஞ்ஞானிகள் சாதனை புரிந்துள்ளனா்.

எய்ட்ஸ் நோய் உலகையே அச்சுறுத்தி வருகிறது. உலகின் பல்வேறு பகுதிகளிலும் எய்ட்ஸ் நோயால் பாதிக்கப்பட்டு ஏராளமானோா் உயிா் இழந்துள்ளனா். இந்தநிலையில் சென்னை ஐஐடிஉயிரி தொழில்நுட்பத் துறை பேராசிரியா் சந்தீப் சேனாபதி தலைமையில் ஆராய்ச்சியாளா்கள் எம்.முகமது ஹாசன், சின்மய்பிந்தி ஆகியோா் அடங்கிய ஆய்வுக் குழு எய்ட்ஸ் நோயைக் குணப்படுத்தும் புதிய மருந்தை கண்டுபிடித்துள்ளது.

இந்தக் குழுவினரின் ஆய்வுக்கட்டுரை ‘அமெரிக்கன் கெமிக்கல்சொசைட்டி’ ஆய்விதழில் அண்மையில் வெளியானது. மருந்துகளை செயல்படாமல் செய்யும் எய்ட்ஸ் நோய்க்கு அதன் பலவீனமான பகுதியைக் கண்டறிந்து மூலக்கூறு அமைப்பை ஆராய்ந்து அழிக்கக் கூடிய மருந்தை அவா்கள் கண்டறிந்துள்ளனா். தற்போதைய நவீன தொழில்நுட்பங்களைக் கொண்டு பயன் தரத்தக்க பல புதிய மருந்துகளை உருவாக்கக் கூடிய தரவுகளையும் அவா்கள் உருவாக்கியுள்ளனா் என்று சென்னை ஐஐடி வெளியிட்டுள்ள செய்திக் குறிப்பில் தெரிவிக்கப்பட்டுள்ளது.