Enable Javscript for better performance
Thiruvarur 19 thousand acres of paddy crop damaged in 55 villages- Dinamani

சுடச்சுட

    

    திருவாரூர்: கூத்தாநல்லூர் வட்டத்தில் 19.5 ஆயிரம் ஏக்கர் நெல் பயிர்கள் சேதம்

    By DIN  |   Published on : 06th January 2021 06:09 PM  |   அ+அ அ-   |    |  

    TVR

    சேதமடைந்த நெல் பயிர்கள்

    திருவாரூர்: கூத்தாநல்லூர் வட்டத்தில் 55 வருவாய் கிராமங்களிலும், 19,571 ஏக்கர் நெல் பயிர் சேதம் அடைந்துள்ளதாக கணக்கெடுக்கப்பட்டுள்ளது. 

    கடந்த மாதங்களில் பெய்த வடக்கிழக்கு பருவ மழையால், பெரும் பகுதியான விவசாய நிலங்கள் பாதிப்படைந்துள்ளது. இதனால், விவசாயிகள் பெரிதும் கவலையடைந்து வருகின்றனர்.

    இந்நிலையில், பாதிக்கப்பட்ட விளை நிலங்களுக்கு, நிவாரணத் தொகை வழங்க தமிழக அரசு தீர்மானித்தது. அதன்படி, கூத்தாநல்லூர் வட்டத்தில், மாவட்ட ஆட்சியர் சாந்தா உத்தரவின்படி, வடபாதிமங்கலம், கமலாபுரம் மற்றும் கூத்தாநல்லூர் உள்ளிட்ட 3 பிர்க்காவிலும் உள்ள 55 கிராமங்களிலும், வருவாய் ஆய்வாளர்கள், கிராம நிர்வாக அலுவலர்கள்  பாதிக்கப்பட்ட நெல் பயிர்கள் குறித்த கணக்கெடுப்புப் பணியில் ஈடுபட்டனர். 

    இது குறித்து, வட்டாட்சியர் அலுவலக அலுவலர் கூறியது, கூத்தாநல்லூர் வட்டத்தில், மன்னார்குடி மற்றும் நீடாமங்கலம் வேளாண் வட்டாரத்திற்கு உட்பட்ட 17 கிராமங்களில், பயிர் செய்யப்பட்ட 7,898 ஏக்கர் நிலத்தில், 5,159 ஏக்கர் பயிர் சேதம் அடைந்துள்ளது. 

    மன்னார்குடி, கோட்டூர் வேளாண் வட்டாரத்திற்குட்பட்ட 23 கிராமங்களில், பயிர் செய்யப்பட்ட 13,169 ஏக்கரில், 9,650 ஏக்கர் பயிர்கள் சேதம் அடைந்துள்ளது.

    மேலும், கொரடாச்சேரி வேளாண் வட்டாரத்திற்குட்பட்ட 15 கிராமங்களில், பயிர் செய்யப்பட்ட 7,687 ஏக்கரில், 4,762 ஏக்கர் பயிர்கள் சேதம் அடைந்துள்ளன. 

    கூத்தாநல்லூர் வட்டத்தில், பயிர் செய்யப்பட்ட 28,754 ஏக்கரில், 19,571 ஏக்கர் பயிர்கள்  சேதம் அடைந்துள்ளன என்றார்.


     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp