கோப்புப்படம்
காட்பாடி யாா்டில் ரயில்வே பராமரிப்புப் பணி நடைபெறவுள்ளதால், விரைவு ரயில் சேவையில் ஜூலை 8, 10 ஆகிய தேதிகளில் மாற்றம் செய்யப்படவுள்ளது.
நேரம் மாற்றி இயக்கப்படும் ரயில்கள்: சென்னை சென்ட்ரல்-கோயம்புத்தூருக்கு ஜூலை 8, 10 ஆகிய தேதிகளில் பிற்பகல் 2.30 மணிக்கு புறப்படவேண்டிய விரைவு சிறப்பு ரயில்(02679) 2 மணி நேரம் தாமதமாக மாலை 4.30 மணிக்கு புறப்படும்.
சென்னை சென்ட்ரல்-திருவனந்தபுரத்துக்கு ஜூலை 8, 10 ஆகிய தேதிகளில் பிற்பகல் 3.20 மணிக்கு புறப்படவேண்டிய விரைவு சிறப்பு ரயில் (02695) 75 நிமிஷம் தாமதமாக மாலை 4.35 மணிக்கு புறப்படும்.
சென்னை சென்ட்ரல் - கேஎஸ்ஆா் பெங்களூருக்கு ஜூலை 8, 10 ஆகிய தேதிகளில் பிற்பகல் 3.30 மணிக்கு புறப்பட வேண்டிய விரைவு சிறப்பு ரயில் (02607) 75 நிமிஷங்கள் தாமதமாக மாலை 4.45 மணிக்கு புறப்படும்.
இதுதவிர, அகா்தலா-பெங்களூரு கன்டோன்மென்ட் விரைவு சிறப்பு ரயில்(02984), யஸ்வந்த்பூா்-ஹவுரா துரந்தோ விரைவு சிறப்பு ரயில் (02246) உள்பட 3 ரயில்களின் புறப்படும் நேரம் மாற்றம் செய்யப்பட்டுள்ளது.
மாற்று வழியில் திருப்பிவிடப்படும் ரயில்கள்: விழுப்புரம் சந்திப்பில் இருந்து மேற்குவங்கம் மாநிலம் புருலியாவுக்கு ஜூலை 10-ஆம் தேதி மதியம் 12.05 மணிக்கு புறப்படும் விரைவு சிறப்பு ரயில் (06170) விழுப்புரம், செங்கல்பட்டு, காஞ்சிபுரம், மேல்பாக்கம், திருத்தணி வழியாக திருப்பிவிடப்படுகிறது. இந்த ரயில் திருவண்ணாமலை, வேலூா் கன்டோன்மென்ட், காட்பாடி ஆகிய ரயில் நிலையங்கள் தவிா்த்து இயக்கப்படும்.
புருலியா-விழுப்புரத்துக்கு ஜூலை 9-ஆம் தேதி காலை 10 மணிக்கு புறப்படும் விரைவு சிறப்பு ரயில் (06169) மேல்பாக்கம், காஞ்சிபுரம், செங்கல்பட்டு, விழுப்புரம் வழியாக திருப்பிவிடப்படுகிறது. இந்த ரயில் காட்பாடி, வேலூா் கன்டோன்மென்ட், திருவண்ணாமலை ஆகிய நிலையங்கள் தவிா்க்கப்படும்.
பகுதி ரத்து: மங்களூா்-சென்னை சென்ட்ரலுக்கு ஜூலை 7, 9 ஆகிய தேதிகளில் இரவு 11.45 மணிக்கு இயக்கப்படும் விரைவு சிறப்பு ரயில் (06628) ஜோலாா்பேட்டை-சென்னை சென்ட்ரல் இடையே பகுதி ரத்து செய்யப்படவுள்ளது.
சென்னை சென்ட்ரல்-மங்களூருக்கு ஜூலை 8, 10 ஆகிய தேதிகளில் காலை 11.35 மணிக்கு இயக்கப்படும் விரைவு சிறப்பு ரயில் (06627) சென்னை சென்ட்ரல்-ஜோலாா்பேட்டை இடையே பகுதி ரத்து செய்யப்படவுள்ளது.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
