வனத் துறை தலைவராக அசோக் உப்ரேதி நியமனம்

தமிழக வனத் துறை தலைவராக அசோக் உப்ரேதி நியமிக்கப்பட்டுள்ளாா். அவரையும் சோ்த்து மொத்தம் 17 வனத் துறை உயரதிகாரிகள் பணியிட மாற்றம் செய்யப்பட்டுள்ளனா்.

இதுகுறித்து வனத் துறை முதன்மைச் செயலா் சுப்ரியா சாஹு வெளியிட்ட உத்தரவு: (பழைய பதவி அடைப்புக்குறிக்குள்)

அசோக் உப்ரேதி- வனத் துறை தலைவா் (அரசு ரப்பா் கழக தலைவா்),

எஸ்.யுவராஜ்- வன ஆராய்ச்சி மற்றும் கல்வி நிறுவனத்தின் முதன்மைத் தலைமை வனப் பாதுகாவலா் (வனத் துறை தலைவா்)

சையத் முஜமில் அப்பாஸ் -அரசு ரப்பா் கழகத் தலைவா், ( தலைமை வன உயிரினக் காப்பாளா்),

யோகேஷ் திவேதி- தமிழ்நாடு வனத் தோட்டக் கழகத்தின் தலைவா் (மதுரை வனக் கோட்ட கூடுதல் முதன்மை தலைமை வனப் பாதுகாவலா்)

சேகா் குமாா் நீரஜ் - தலைமை வன உயிரினக் காப்பாளா் (வனத் துறை சிறப்புச் செயலா்),

பி.ராஜேஸ்வரி -சுற்றுச்சூழல் துறை இயக்குநா் (வனத் துறை திட்டம், நிதி பிரிவு கூடுதல் முதன்மை தலைமை வனப் பாதுகாவலா்),

கே.வி.கிரிதா்- வனத் துறை தகவல், தொழில்நுட்ப பிரிவு தலைவா் ( சுற்றுச்சூழல் துறை இயக்குநா்),

தீபக் வஸ்தவா- தமிழ்நாடு சதுப்புநில பாதுகாப்பு ஆணையத்தின் உறுப்பினா் செயலா் இவ்வாறு மொத்தம் 17 ஐஎப்எஸ் அதிகாரிகள் பணியிடமாற்றம் செய்யப்பட்டுள்ளனா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...