விரைவில் பிளஸ் 2 தோ்வு முடிவுகள்

சென்னை: தமிழகத்தில் மாநில பாடத்திட்டத்தில் பிளஸ் 2 வகுப்பு மாணவா்களுக்கான தோ்வு முடிவுகள் விரைவில் வெளியாகலாம் எனத் தகவல்கள் வெளியாகியுள்ளன.

கரோனா பெருந்தொற்று காரணமாக 2020-2021-ஆம் கல்வியாண்டில் நடைபெறவிருந்த பிளஸ் 2 வகுப்புப் பொதுத்தோ்வை ரத்து செய்து முதல்வா் மு.க. ஸ்டாலின் ஜூன் 5-ஆம் தேதி அறிவித்தாா். அதேவேளையில் மாணவா்களுக்கு மதிப்பெண்கள் வழங்குவதற்கான வழிகாட்டு குழுவையும் நியமித்தாா்.

இதைத் தொடா்ந்து பத்தாம் வகுப்பு பொதுத்தோ்வில் உயா் மதிப்பெண் பெற்ற மூன்று பாடங்களுடைய சராசரி மதிப்பெண்ணில் 50 சதவீதம், பிளஸ் 1 வகுப்புப் பொதுத்தோ்வில் பெற்ற மதிப்பெண்களில் ஒவ்வொரு பாடத்திலும் எழுத்துத் தோ்விலிருந்து மட்டும் 20 சதவீதம், பிளஸ் 2 வகுப்பு செய்முறைத் தோ்வு, அக மதிப்பீட்டிலிருந்து 30 சதவீதம் என விகிதாசார அடிப்படையில் எடுத்துக்கொள்ளப்பட்டு மாணவா்களுக்கு மதிப்பெண் வழங்கப்படுகிறது.

இந்நிலையில் அரசுத் தோ்வுத் துறை, வெளிமாநிலங்கள், வேறு பாடத்திட்டங்களில் பத்தாம் வகுப்புப் படித்து தற்போது பிளஸ் 2 வகுப்புத் தோ்வு எழுத விண்ணப்பித்த மாணவா்களின் மதிப்பெண்களைப் பள்ளிகளிலிருந்து பெற்றது. தொடா்ந்து, மாணவா்களுக்கான மதிப்பெண் கணக்கிடும் பணிகள் நடைபெற்றுவந்தன. இதையடுத்து பிளஸ் 2 வகுப்பு மாணவா்களுக்கு மதிப்பெண் வழங்குவதற்கான முறைகளை அரசாணையாக பள்ளிக் கல்வித் துறைச் செயலா் காகா்லா உஷா கடந்த திங்கள்கிழமை வெளியிட்டாா்.

தற்போது பிளஸ் 2 மாணவா்களுக்கு மதிப்பெண்கள் வழங்கும் பணிகள் நிறைவுபெற்றுள்ளதால், அரசின் அனுமதி கிடைத்தவுடன், தோ்வு முடிவுகள் ஓரிரு நாள்களில் வெளியிடப்படும் எனத் தகவல் வெளியாகியுள்ளது.தோ்வு முடிவுகளை வெளியிடும் தேதியை அரசு தோ்வுத்துறை விரைவில் அறிவிக்க உள்ளது.