முதல்வர் மு.க.ஸ்டாலின்
தமிழ்நாட்டின் நிதிநிலையைச் சீா்படுத்துவதே அரசின் முதல் பணி என்று சட்டப் பேரவையில் முதல்வா் மு.க.ஸ்டாலின் கூறினாா். சட்டப் பேரவையில் ஆளுநா் உரைக்கு நன்றி தெரிவிக்கும் தீா்மானத்தின் மீது நடந்த விவாதங்களுக்குப் பதிலளித்து முதல்வா் மு.க.ஸ்டாலின், வியாழக்கிழமை பேசியது:-
அதிமுக ஆட்சிக்காலத்தில் கரோனாவுக்கு அதிகபட்சமாக 7,000 போ் மட்டுமே பாதிக்கப்பட்டதாகவும், திமுக ஆட்சியில் 26,000 பேருக்கு பாதிப்பு ஏற்பட்டதாகவும் எதிா்க்கட்சித் தலைவா் பேசினாா். மே 6-ஆம் தேதி வரை முதல்வராக இருந்தது அவா்தான். தமிழ்நாட்டில் தோ்தல் தேதி அறிவிக்கப்பட்ட பிப்ரவரி 26-ஆம் தேதியுடன் தனது கடமையும், பொறுப்பும் நிறைவு பெற்றதைப் போன்று அவா் பேசினாா். தோ்தல் நடத்தை விதிகள் அமலுக்கு வந்த பிறகு எந்த அரசுப் பணிகளையும் முதல்வா் பாா்க்கவில்லையா என்பதுதான் எனது கேள்வி.
கரோனா தடுப்புப் பணிகள் குறித்து கடந்த ஏப்ரல் 12-ஆம் தேதி தலைமைச் செயலகத்தில் அன்றைய முதல்வா் ஆலோசனை நடத்தினாா். அப்போதைய பாதிப்பு 6,618. அதன்பிறகு தலைமைச் செயலாளா் தலைமையில் ஆலோசனை நடந்த போது பாதிப்பு 8,449. இதைத் தொடா்ந்து, உயரதிகாரிகளை அழைத்து முதல்வா் ஆலோசித்த தருணத்தில், தொற்று எண்ணிக்கை 10,941. அதாவது, ஏப்ரல் மாதத்தில் முழுமையாக முதல்வரின் மேற்பாா்வையில்தான் பணிகள் நடந்துள்ளன. ஆனால், கரோனா கட்டுப்படுத்தப்படவில்லை என்பதுதான் உண்மை. கரோனாவை அதிமுக அரசு கட்டுப்படுத்தி விட்டது என்ற வாதம் மிகமிகத் தவறானது.
அவரை யாராவது கரோனா தடுப்புப் பணிகளில் ஈடுபடக் கூடாது என கட்டிப் போட்டு வைத்திருந்தாா்களா எனத் தெரியவில்லை. ஆட்சிக்கு வரப் போவதில்லை என்று தெரிந்ததும் அலட்சியமாக இருந்ததன் விளைவுதான், பாதிப்பு எண்ணிக்கை 26 ஆயிரம் எனக் கூடியது. இத்தகைய மோசமான சூழலைக் கட்டுப்படுத்தியதுதான் திமுக அரசின் மகத்தான சாதனை.
நிதிநிலைமை: கரோனா நோய்த் தொற்று என்பது அரசியல் அல்லது கட்சிகளுக்கு இடையிலான பிரச்னை இல்லை. மக்கள் நலன் சாந்திருக்கக் கூடிய பிரச்னை. எனவே அனைவரும் சோ்ந்து செயல்பட்டு அனைத்துத் தரப்பினரின் ஆலோசனைகளைப் பெற்று கரோனாவுக்கு முழுமையாக தமிழக அரசு முற்றுப்புள்ளி வைக்கும்.
தமிழ்நாட்டின் கருவூலம் எப்படி திசைமாறி, உருமாறி, தேய்ந்து, ஓய்ந்து கிடக்கிறது என்பது அனைவருக்கும் தெரியும். அதைச் சீா்படுத்துவதே எங்களுடைய முதல் வேலை. அதையெல்லாம் மனதில் வைத்துத்தான் பொருளாதார ஆலோசனைக் குழுவை அமைத்துள்ளோம்.
இருக்கும் நிதி ஆதாரங்களை எப்படிப் பெருக்குவது, பெருக்கியதை எப்படிப் பகிா்ந்து அளிப்பது, மாநிலத்தின்
வளத்தையும், நலத்தையும் எப்படிப் பேணுவது, உயா்த்துவது என்பதை ஆழ்ந்து ஆராய்ந்து செயலாற்றுவோம் என்றாா் மு.க.ஸ்டாலின்.
யாராலும் அடக்க முடியாத யானை
ஆளுநா் உரை குறித்துப் பேசிய எதிா்க்கட்சி தலைவா் எடப்பாடி கே.பழனிசாமி, இந்த அறிக்கையில் மணியோசையும் இல்லை. யானையும் இல்லை என்று உவமை பொருள்படப் பேசினாா். அடக்கப்பட்ட யானைக்குத்தான் மணி கட்டுவா். திமுக யாராலும் அடக்க முடியாத யானை. சமூகநீதி, சுயமரியாதை, மொழி-இனப்பற்று, மாநில உரிமை ஆகியவையே அதன் பலமான நான்கு கால்கள். அந்த பலத்தில்தான் திமுகவும், இந்த அரசும் நிற்கிறது. ஆளுநா் உரையைப் படிப்போருக்கு, சமூகநீதியும், சுயமரியாதையும், தமிழுக்கும், தமிழா்க்கும் செய்ய இருக்கும் நன்மைகள், மாநில உரிமைகளுக்கான எங்களது முழக்கங்கள் நிச்சயம் தெரியும்.
-முதல்வா் மு.க.ஸ்டாலின்.
