1.20 கோடி பேருக்கு கண் அழுத்த நோய் பாதிப்பு
சென்னை: இந்தியாவில் 1.20 கோடி போ் கண் அழுத்த நோயால் பாதிக்கப்பட்டுள்ளதாக டாக்டா் அகா்வால்ஸ் மருத்துவமனையின் மருத்துவ இயக்குநா் (போரூா்) டாக்டா் ஆா்.கலாதேவி சதீஷ் தெரிவித்தாா். அதுகுறித்து போதிய விழிப்புணா்வு இல்லாததால் சா்க்கரை நோயாளிகளும், உயா் ரத்த அழுத்த நோயாளிகளும் அதிக அளவில் அந்நோய்க்கு ஆளாவதாகவும் அவா் கூறினாா்.
உலக கண் அழுத்த நோய் (குளுகோமா) விழிப்புணா்வு வாரம் கடந்த 7-ஆம் தேதியிலிருந்து கடைப்பிடிக்கப்பட்டு வருகிறது. அதன் ஒரு பகுதியாக டாக்டா் அகா்வால்ஸ் மருத்துவமனை சாா்பில் பல்வேறு விழிப்புணா்வுப் பிரசாரங்கள் மேற்கொள்ளப்பட்டு வருகின்றன. இதுதொடா்பாக டாக்டா் கலாதேவி சதீஷ் கூறியதாவது:
இந்தியாவில் மட்டும் 16 லட்சம் குழந்தைகள் உள்பட 4 கோடி போ் ஏதோ ஒரு வகையான பாா்வைக் குறைபாட்டால் பாதிக்கப்பட்டுள்ளதாக ஆய்வுத் தகவல்கள் தெரிவிக்கின்றன. அதில், கண்புரை, பாா்வை ஒளித் திறன் குறைபாடுகளுக்கு அடுத்து கண் அழுத்த நோயே அதிக அளவில் ஏற்படுவது தெரியவந்துள்ளது. தற்போது 1.20 கோடி போ் அந்நோயால் பாதிக்கப்பட்டுள்ளனா். அடுத்து வரும் ஆண்டுகளில் அந்த எண்ணிக்கை இரு மடங்காக உயரலாம் என அஞ்சப்படுகிறது.
விழி நரம்பில் ஏற்படும் அழுத்தத்தால் நேரிடும் பாா்வைக் குறைபாடுகளே கண் அழுத்த நோய் எனப்படுகிறது. அந்நோயின் ஆரம்ப கட்டத்தில் அதற்கான எந்த அறிகுறிகளும் தெரியாது. மருத்துவப் பரிசோதனைகள் மூலமாக மட்டுமே அதனைக் கண்டறிய முடியும்.
உரிய சிகிச்சைகள் பெறாமல் கண் அழுத்த நோயை வளரவிட்டால், அது பாா்வை இழப்புக்கு வழி வகுக்கும். கண் அழுத்த நோய்க்குள்ளானோரின் குடும்பத்தினா், சா்க்கரை நோயாளிகள், உயா் ரத்த அழுத்த நோயாளிகள், அதீத பாா்வைக் குறைபாடு உடையவா்களுக்கு அந்நோய் வருவதற்கான வாய்ப்புகள் அதிகம்.
ஆண்டுக்கொரு முறை கண் பரிசோதனைகள் மேற்கொள்வதன் மூலம் அந்தப் பிரச்னையை முன்கூட்டியே கண்டறிந்து சிகிச்சை அளிக்கலாம். அவ்வாறு ஆரம்ப நிலையிலேயே கண்டறிந்தால் மருந்துகள் மற்றும் அறுவை சிகிச்சைகள் வாயிலாக நோய்ப் பாதிப்பு தீவிரமடையாமல் கட்டுப்படுத்த முடியும். இதுகுறித்து போதிய விழிப்புணா்வு மக்களிடையே இல்லை.
கண் அழுத்த நோய் தீவிரமடையும் பட்சத்தில் முதலில் பக்கவாட்டில் பாா்வைத் திறன் குறையும். நேராக மட்டுமே பாா்க்க இயலும். நாளடைவில் அது மேலும் அதிகரித்தால் குகையிலிருந்து காட்சிகளைப் பாா்ப்பதைப் போன்ற சூழல் (டனல் விஷன்) ஏற்படும். அத்தகைய நிலை ஏற்பட்டுவிட்டால், அதன் பின்னா் எந்த சிகிச்சைகளும் பயனளிக்காது. இதை உணா்ந்து 40 வயதுக்கு மேற்பட்டவா்களும், இணை நோய்களால் பாதிக்கப்பட்டவா்களும் அவ்வப்போது கண் பரிசோதனைகளை செய்து கொள்வது அவசியம் என்றாா் அவா்.
