கோப்புப்படம்
கடலூா் மாவட்டம் குறிஞ்சிப்பாடி, தொகுதியில் அதிமுக சாா்பில் போட்டியிடும் வேட்பாளா் மாற்றப்பட்டுள்ளாா். இதுபோல் இதுவரை வேட்பாளா் அறிவிக்கப்படாமல் இருந்த கன்னியாகுமரி மாவட்டம் பத்மநாபபுரம் தொகுதிக்கு தற்போது வேட்பாளா் அறிவிக்கப்பட்டுள்ளாா்.
இதுகுறித்து, அதிமுக ஒருங்கிணைப்பாளா் ஓ.பன்னீா்செல்வம், இணை ஒருங்கிணைப்பாளா் எடப்பாடி கே.பழனிசாமி ஆகியோா் ஞாயிற்றுக்கிழமை வெளியிட்ட அறிவிப்பு:-
கடலூா் மத்திய மாவட்டம் குறிஞ்சிப்பாடி சட்டப் பேரவைத் தொகுதியில் ஏற்கெனவே அறிவிக்கப்பட்டிருந்த வேட்பாளருக்குப் பதிலாக அதிமுகவின் அதிகாரப்பூா்வ வேட்பாளராக செல்வி ராமஜெயம் அறிவிக்கப்படுகிறாா். முன்னாள் அமைச்சரான அவா், கடலூா் கிழக்கு மாவட்ட மகளிா் அணிச் செயலாளராக உள்ளாா் என அறிவிப்பில் தெரிவிக்கப்பட்டுள்ளது.
கடந்த 10-ஆம் தேதியன்று வெளியிடப்பட்ட அதிமுக வேட்பாளா் பட்டியலில் குறிஞ்சிப்பாடி தொகுதி வேட்பாளராக இராம.பழனிசாமி அறிவிக்கப்பட்டிருந்தாா். அவருக்குப் பதிலாக செல்வி ராமஜெயம் வேட்பாளராக அறிவிக்கப்பட்டுள்ளாா்.
இதுபோல் கன்னியாகுமரி மாவட்டம் பத்மநாபபுரம் தொகுதியில் அதிமுக சாா்பில் டி.ஜாண்தங்கம் போட்டியிடுவாா் என்று அதிமுக சாா்பில் அறிவிக்கப்பட்டுள்ளது.
பத்மநாபபுரம் தொகுதியில் திமுக சாா்பில் த.மனோதங்கராஜ் போட்டியிட உள்ளாா். இதனால், திமுக, அதிமுக இடையே நேரடிப் போட்டி ஏற்பட்டுள்ளது. கடந்த 2014-ஆம் ஆண்டு நடந்த மக்களவைத் தோ்தலில் கன்னியாகுமரி தொகுதியில் பாஜக வேட்பாளா் பொன் ராதாகிருஷ்ணனை எதிா்த்து, அதிமுக சாா்பில் டி.ஜாண்தங்கம் போட்டியிட்டாா் என்பது குறிப்பிடத்தக்கது.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
