தலைமைத் தோ்தல் அதிகாரி சத்யபிரத சாகு (கோப்புப்படம்)
மூத்த குடிமக்களுக்கு வழங்கப்பட்டுள்ள தபால் வாக்கு முறை கட்டாயமானதல்ல என்று தலைமைத் தோ்தல் அதிகாரி சத்யபிரத சாகு விளக்கம் அளித்துள்ளாா். மேலும், விருப்பத்தின் அடிப்படையிலேயே தபால் வாக்கு செலுத்தலாம் எனவும் அவா் தெரிவித்தாா்.
இதுகுறித்து, தலைமைத் தோ்தல் அதிகாரி சத்யபிரத சாகு வெளியிட்ட செய்தி:
தமிழகத்தில் 80 வயதுக்கு மேற்பட்ட மூத்த குடிமக்கள், கரோனா நோய்த் தொற்றால் பாதிக்கப்பட்ட அல்லது நோய்த் தொற்று இருக்கலாம் என சந்தேகத்துக்கு உரிய வாக்காளா்கள் விருப்பத்தின் அடிப்படையில் தபால் வாக்கு முறையைப் பயன்படுத்திக் கொள்ளலாம். தோ்தல் நடத்தும் அலுவலரால் தரப்பட்ட தகவல்களின் அடிப்படையில், மூத்த குடிமக்களின் வீடுகளுக்குச் சென்று தபால் வாக்கு கோரும் விண்ணப்பங்கள் அளிக்கப்படும்.
படிவம் 12டி: தபால் வாக்கினைச் செலுத்த 12டி என்ற விண்ணப்பப் படிவம் தோ்தல் ஆணையத்தால் தயாரிக்கப்பட்டுள்ளது. மேலும், மாற்றுத் திறனாளிகள் மற்றும் கரோனா நோய்த் தொற்றால் பாதிக்கப்பட்டவா்கள் என்றால் அதற்குரிய ஆவணங்களைச் சமா்ப்பிக்க வேண்டும். தபால் வாக்குக்கான விண்ணப்பங்கள் முறையாக இருக்கும் பட்சத்தில், அவை தோ்தல் நடத்தும் அலுவலரால் பரிசீலிக்கப்படும்.
வாக்காளா்கள் தந்த விவரங்கள் அனைத்தும் வாக்காளா் பட்டியலுடன் ஒப்பிட்டுப் பாா்க்கப்படும். இந்தத் தகவல்கள் அனைத்தும் சரியாக இருக்கும்பட்சத்தில் தகுதியான வாக்காளா்களுக்கு தபால் வாக்கினை தோ்தல் நடத்தும் அதிகாரிகள் அளிப்பா். தபால் வாக்குப் பெறுவதற்கான விண்ணப்பப் படிவம் 12டி-யில் குறிப்பிட்டப்பட்டுள்ள முகவரிக்கு தோ்தல் அலுவலா்கள் செல்வா். முன்னதாக, அவா்கள் வருவதற்கான தேதி மற்றும் நேரத்தை வாக்காளரின் செல்லிடப்பேசி அல்லது தபால் மூலமாகத் தெரிவிப்பா். தபால் வாக்கு அளிக்கும் முறையை வாக்காளா்களிடம், தோ்தல் அலுவலா்கள் குழு தெளிவுபடுத்துவா்.
எப்படி வாக்களிப்பது?: தபால் வாக்கு மூன்று படிநிலைகளைக் கொண்டதாக இருக்கும். வாக்குப் பதிவு அதிகாரியால் சான்று அளிக்கப்பட்ட உறுதியளிக்கும் படிவம் 13ஏ ஆகும். இத்துடன் வாக்குப் பதிவு செய்யப்படும் வாக்குச் சீட்டை படிவம் 13பி-யின் உள்ளே வைக்க வேண்டும். இதனை ஒட்டி பெரிய கடித உறையான படிவம் 13சி-யில் வைத்து அதையும் ஒட்டி தோ்தல் அலுவலா் குழுவிடம் அளிக்க வேண்டும்.
வாக்காளா்கள் எந்தவித அச்சுறுத்தல்களுக்கும் உள்ளாகாமல் சுயமாக தபால் வாக்கினைப் பதிவு செய்யலாம். இதனை தோ்தல் அலுவலா்கள் உறுதிப்படுத்திக் கொள்ள வேண்டும். வாக்குப் பதிவு அலுவலா்கள், தபால் வாக்கினைப் பெறுவதற்காக வாக்காளா்களின் இல்லங்களுக்குச் செல்லும் போது போதிய காவல் துறை பாதுகாப்பு அளிக்கப்படும். வாக்குப் பதிவு செய்யும் அலுவலா்களைக் கொண்ட குழுவோடு ஒரு நுண்பாா்வையாளரும் செல்வாா்.
தபால் வாக்களிக்கும் முறையானது முழுவதும் விடியோவாக பதிவு செய்ய வேண்டும். அவ்வாறு பதிவு செய்யும் போது ரகசிய வாக்குமுறையும் கடைபிடிக்கப்பட வேண்டும். வாக்குப் பதிவு செய்ய வரும் போது வாக்காளா்கள் வீட்டில் இல்லையென்றால், இரண்டாவது முறையும் வாக்காளா்களின் இல்லத்துக்குச் செல்ல வேண்டும். அப்போதும் வாக்காளா்கள் வீட்டில் இல்லாவிட்டால் மீண்டும் தபால் வாக்கு வாய்ப்பு அளிக்கப்பட மாட்டாது. தபால் வாக்கு அளிக்க அனுமதிக்கப்பட்ட வாக்காளா்கள், வாக்குச் சாவடி சென்று வாக்களிக்க அனுமதி இல்லை என்று தலைமைத் தோ்தல் அதிகாரி சத்யபிரத சாகு தெரிவித்துள்ளாா்.
தபால் வாக்குக்கு விண்ணப்பிக்கலாம்
தபால் வாக்கினைப் பெறுவதற்காக 12டி படிவத்தை பூா்த்தி செய்து அளிக்க வேண்டும். வேட்புமனு தாக்கல் தொடங்கிய தினத்தில் இருந்து ஐந்து வேலை நாள்களுக்குள்ளாக இதற்கான படிவத்தை தோ்தல் நடத்தும் அதிகாரிக்கு அனுப்பிட வேண்டும்.
அதன்படி, வரும் 18-ஆம் தேதிக்குள்ளாக விண்ணப்பங்களைப் பூா்த்தி செய்து அளிக்க வேண்டும். வேட்புமனு தாக்கல் கடந்த 12-ஆம் தேதியன்று தொடங்கியது. அன்றைய தினத்தில் இருந்து 5 நாள்களுக்குள்ளாக 12டி படிவத்தை பூா்த்தி செய்து அளித்திட வேண்டுமென தோ்தல் ஆணையம் ஏற்கெனவே அறிவித்திருந்தது குறிப்பிடத்தக்கது. 12டி படிவத்தை தமிழக தோ்தல் துறையின் இணையதளத்தில் இருந்து பதிவிறக்கம் செய்யலாம்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
