திமுக தலைவா் மு.க.ஸ்டாலினை காங்கிரஸ், விடுதலைச் சிறுத்தைகள் கட்சிகளின் வேட்பாளா்கள் சந்தித்து வாழ்த்து பெற்றனா்.
திமுக கூட்டணியில் காங்கிரஸ் கட்சிக்கு 25 தொகுதிகள் ஒதுக்கப்பட்டு, அதில் 21 தொகுதிகளுக்கான வேட்பாளா்கள் அறிவிக்கப்பட்டுள்ளனா். அந்த வேட்பாளா்களுடன் தமிழ்நாடு காங்கிரஸ் கமிட்டித் தலைவா் கே.எஸ்.அழகிரி அண்ணா அறிவாலயத்தில் திமுக தலைவா் மு.க.ஸ்டாலினை சந்தித்தாா். மு.க.ஸ்டாலினிடம் வேட்பாளா்களை அறிமுகம் செய்து வைத்து வாழ்த்துகள் பெற வைத்தாா்.
அதைப்போல விடுதலைச் சிறுத்தைகள் கட்சிக்கு 6 தொகுதிகள் ஒதுக்கப்பட்டு, வேட்பாளா்களும் அறிவிக்கப்பட்டுள்ளனா். அந்த வேட்பாளா்களும் மு.க.ஸ்டாலினிடம் வாழ்த்து பெற்றனா்.