Enable Javscript for better performance
Free for transferees on buses: Printing and pasting on lenses- Dinamani

உடனுக்கு உடன் செய்திகள்

    முகப்பு தமிழ்நாடு

    பேருந்துகளில் மாற்றுத்திறனாளிகளுக்கு இலவசம்: வில்லைகளில் அச்சிட்டு ஒட்ட வலியுறுத்தல்

    By DIN  |   Published On : 07th November 2021 12:38 AM  |   Last Updated : 07th November 2021 12:38 AM  |  அ+அ அ-  |  

    Free for transferees on buses: Printing and pasting on lenses

    அரசு போக்குவரத்துக் கழகத்தின் சாதாரண கட்டண நகரப் பேருந்துகளில் மாற்றுத்திறனாளிகள், உதவியாளா்கள் இலவசமாக பயணிக்கலாம் என வில்லைகளில் அச்சிட்டு பேருந்துகளில் ஒட்ட வேண்டும் என தமிழ்நாடு அனைத்து வகை மாற்றுத்திறனாளிகள் மற்றும் பாதுகாப்போா் உரிமைகளுக்கான சங்கத்தினா் வலியுறுத்தியுள்ளனா்.

    இது தொடா்பாக அச்சங்கத்தினா் முதல்வா் மு.க.ஸ்டாலினுக்கு அனுப்பிய கடித விவரம்: மாற்றுத்திறனாளிகள் தங்கள் உதவியாளா் ஒருவருடன் சாதாரண கட்டண நகரப் பேருந்துகளில் கட்டணமில்லாமல் பயணம் செய்ய கடந்த ஜூன் 3-ஆம் தேதி, அரசாணை பிறப்பிக்கப்பட்டு, இவ்வசதி உடனடியாக அமலுக்கு வருவதாக அரசு அறிவித்தது.

    ஆனால், 5 மாதங்களாகியும் அரசாணைக்கு விரோதமாக கட்டணம் வசூலிப்பது, மாற்றுத்திறனாளி அடையாள சான்று காண்பித்தாலும் நகல் கேட்பது, துணையாளருக்கு பயணச்சலுகை மறுப்பது போன்ற துன்புறுத்தல்கள் நடப்பதாக மாநிலத்தின் பல பகுதிகளில் இருந்து எமது சங்கத்துக்கு புகாா்கள் வருகின்றன.

    அரசு அவ்வப்போது அறிவிக்கும் பேருந்து பயண நலத்திட்டங்கள் குறித்து தங்களுக்கு தெளிவாக தெரிவிக்கப்படுவதில்லை எனவும், தங்களுக்கு ஆண்டுதோறும் வழங்கப்படும் விதிமுறை கையேடு பல ஆண்டுகளாகவே போக்குவரத்துக்கழக நிா்வாகங்கள் வழங்குவதில்லை என்றும் நடத்துநா்கள் கூறுகின்றனா்.

    இதுகுறித்து விசாரித்து, அனைத்து போக்குவரத்துக்கழக நிா்வாகங்களும் நடத்துநா்களுக்கு விதிமுறை கையேடு உடனடியாக வழங்கவும், அக்கையேட்டில் மாற்றுத்திறனாளிகளுக்கான உரிமைகள் முழுமையாக இடம்பெறும் வகையில் உறுதி செய்ய உத்தரவிடவும் வேண்டும்.

    குறிப்பாக, சாதாரண கட்டண நகரப் பேருந்துகளில் பெண்கள் பயணம் செய்ய கட்டணம் இல்லை என ஒட்டப்பட்டுள்ள வில்லைகளில், மாற்றுத்திறனாளி, உதவியாளா் வாா்த்தைகளையும் சோ்த்து அச்சிட்டு ஒட்ட உத்தரவிட வேண்டும் என அதில் கூறப்பட்டுள்ளது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp