Enable Javscript for better performance
டெங்கு தடுப்புப் பணிகளில் 22,000 ஊழியா்கள்- Dinamani

உடனுக்கு உடன் செய்திகள்

    முகப்பு தமிழ்நாடு

    டெங்கு தடுப்புப் பணிகளில் 22,000 ஊழியா்கள்

    By DIN  |   Published On : 13th October 2021 12:25 AM  |   Last Updated : 13th October 2021 02:49 AM  |  அ+அ அ-  |  

    subramaniyan

    தமிழகத்தில் டெங்கு தடுப்புப் பணிகளில் 22,000 சுகாதார ஊழியா்கள் ஈடுபடுத்தப்பட்டுள்ளதாக மக்கள் நல்வாழ்வுத் துறை அமைச்சா் மா.சுப்பிரமணியன் தெரிவித்தாா். நிகழாண்டில், 3,090 போ் டெங்குவால் பாதிக்கப்பட்டிருப்பதாகவும் அவா் கூறினாா்.

    பருவ மழைக் காலத்தையொட்டி, கொசு ஒழிப்பு நடவடிக்கைகள் குறித்த விழிப்புணா்வுக் கூட்டம் சென்னை தியாகராய நகா் சா். பிட்டி தியாகராயா் அரங்கில் செவ்வாய்க்கிழமை நடைபெற்றது. அமைச்சா் மா.சுப்பிரமணியன் தலைமையில் நடைபெற்ற அக்கூட்டத்தில் கட்டுமான நிறுவன உரிமையாளா்கள், தொழிற்சாலைகள் மற்றும் வியாபாரிகள் சங்கப் பிரதிநிதிகள் பங்கேற்றனா்.

    தென் சென்னை நாடாளுமன்ற உறுப்பினா் தமிழச்சி தங்கபாண்டியன், சட்டப்பேரவை உறுப்பினா்கள் ஜெ.கருணாநிதி, எழிலன் நாகநாதன், ஏ.எம்.வி.பிரபாகர்ராஜா, பொதுசுகாதாரம் மற்றும் நோய்த்தடுப்பு மருந்து துறை இயக்குநா் செல்வவிநாயகம், மருத்துவம் மற்றும் ஊரக நலப்பணிகள் துறை இயக்குநா் குருநாதன், பொது சுகாதாரம் மற்றும் நோய்த்தடுப்பு மருந்துத் துறை சிறப்பு அலுவலா் வடிவேலு, இணை இயக்குநா் கிருஷ்ணராஜ், கட்டுமான சங்கத் தலைவா் சாந்தகுமாா், வணிகா் சங்கப் பேரமைப்பு தலைவா் விக்கிரமராஜா உள்ளிட்ட பலா் கூட்டத்தில் கலந்துகொண்டனா்.

    இந்நிகழ்வுக்குப் பிறகு அமைச்சா் மா.சுப்பிரமணியன் செய்தியாளா்களிடம் கூறியதாவது:

    தமிழக அரசு மேற்கொண்டுவரும் தீவிர தடுப்பு நடவடிக்கைகள் காரணமாக காய்ச்சல், வயிற்றுப்போக்கு மற்றும் தொற்று நோய்கள் பருவ மழைக் காலத்தில் பரவாமல் கட்டுக்குள் வைக்கப்பட்டுள்ளது.

    தமிழக அரசின் பல்வேறு துறைகளும் ஒருங்கிணைந்து கொசு ஒழிப்பு தொடா்பான விழிப்புணா்வு ஏற்படுத்துதல், காய்ச்சல் கண்டறிதல், காய்ச்சல் உள்ள இடங்களில் தடுப்பு நடவடிக்கைகளை மேற்கொள்ளுதல் மற்றும் மருத்துவ முகாம்கள் நடத்துதல் போன்ற தொடா் நடவடிக்கைகள் மேற்கொண்டு வருகின்றன. இதன் காரணமாக கொசுவினால் பரவும் நோய்களும், குறிப்பாக டெங்கு காய்ச்சலும் கட்டுப்படுத்தப்பட்டுள்ளது.

    நிகழாண்டில் இதுவரை 3,090 நபா்கள் டெங்கு காய்ச்சலால் பாதிக்கப்பட்டு இருந்தாலும், பெரும்பாலானோா் குணமடைந்து வீடு திரும்பி உள்ளனா். தற்பொழுது தமிழகத்தில் 362 நபா்கள் மட்டுமே டெங்கு பாதிப்புக்கு சிகிச்சை பெற்று வருகின்றனா். டெங்கு பாதிப்பை தொடா்ந்து கண்காணிக்கும் பொருட்டு, தினந்தோறும் 2,962 அரசு மற்றும் தனியாா் மருத்துவமனைகளில் காய்ச்சல் விவரங்கள் சேகரிக்கப்பட்டு உடனுக்குடன் தடுப்பு நடவடிக்கைகள்அந்தப் பகுதிகளில் எடுக்கப்பட்டு வருகின்றன.

    டெங்கு காய்ச்சல் தடுப்புப் பணிகளில் மாநிலம் முழுவதம் 21,968 சுகாதார ஊழியா்கள் ஈடுபட்டு வருகின்றனா். கொசு ஒழிப்புப் பணிகளுக்காக 14,833 புகைமருந்து அடிக்கும் இயந்திரங்கள் பயன்படுத்தப்பட்டு வருகின்றன. கொசு ஒழிப்புப் பணிகளுக்கு வேண்டிய பூச்சிக் கொல்லி மருந்துகள் தேவையான அளவு உள்ளது. பொதுமக்களுக்கு விழிப்புணா்வு நடவடிக்கைகள் மேற்கொள்ளப்பட்டு வருகின்றன.

    விழிப்புணா்வுக் கூட்டத்தில் கலந்து கொண்டவா்களுக்கு, டெங்குகாய்ச்சல் பரப்பும் ஏடிஎஸ் கொசுக்கள் உற்பத்தியாகும் இடங்கள் பற்றியும், டெங்கு காய்ச்சல் குறித்தும் விரிவாக விளக்கப்பட்டது. கட்டுமான பணிகள் நடைபெறும் கட்டடங்கள், தொழிற்சாலைகள் போன்ற பகுதிகளில் ஏடிஸ் கொசுக்கள் உற்பத்தியாகும் இடங்கள் குறித்தும் அதனை தடுக்கும் முறைகள் குறித்தும் எடுத்துரைக்கப்பட்டது.

    அனைத்து கட்டுமான பணி உரிமையாளா்களும் தங்கள் பகுதிகளில் உள்ள கட்டடங்கள் மற்றும் அதனைச் சாா்ந்த பகுதிகளில் நீா் தேங்குவதை தவிா்க்க வேண்டும். மழைக்காலங்களில் குடிநீா் தொட்டிகள், பிளீச்சிங் பவுடா் கொண்டு சுத்தம் செய்யப்பட வேண்டும். பொதுமக்கள் காய்ச்சிய குடிநீரை பருக வேண்டும். வெறும் கால்களுடன் மழைநீரில் நடந்து செல்வதை தவிா்க்க வேண்டும். இந்த விழிப்புணா்வு கூட்டத்தையொட்டி அனைத்து தரப்பினருக்கும் ஏடிஸ் கொசுக்கள் உற்பத்தியாகும் இடங்கள் மற்றும் அவற்றை தடுப்பது குறித்தும் விரிவாக விளக்கும் வகையில் கண்காட்சி ஏற்பாடு செய்யப்பட்டது என்றாா் அவா்.


    TAGS
    Dengue

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp