101-ஆவது நாளாக மாற்றமில்லாமல் தொடரும் பெட்ரோல், டீசல் விலைகள்

சென்னை: சென்னையில் பெட்ரோல், டீசல் விலையில் 101 ஆவது நாளாக மாற்றம் இல்லாமல் செவ்வாய்க்கிழமை (ஆக.30) பெட்ரோல் லிட்டருக்கு ரூ.102.63 ஆகவும், டீசல் ரூ.94.24 ஆக விற்பனையாகிறது.

பொதுத்துறை எண்ணெய் நிறுவனங்கள், சர்வதேச சந்தை நிலவரத்திற்கு ஏற்ப, உள்நாட்டில் பெட்ரோல், டீசல் விலையை, நாள்தோறும் நிர்ணயம் செய்து வருகின்றன. 

இதையும் படிக்க.. கள்ளக்குறிச்சி மாணவி மரணம் கொலை அல்ல: உயா்நீதிமன்றம்

கடந்த மே 21 ஆம் தேதி மத்திய நிதியமைச்சர் நிர்மலா சீதாராமன்,  பெட்ரோல் மீதான கலால் வரி லிட்டருக்கு ரூ. 9 ஆகவும், டீசல் மீதான கலால் வரி லிட்டருக்கு ரூ.7.50 ஆகவும் குறைக்கப்படும் என அறிவித்தார்.

அதனைத் தொடர்ந்து சென்னையில் (மே. 22) பெட்ரோல் ரூ.8.22 காசு குறைந்து ஒரு லிட்டர் பெட்ரோல் ரூ.102.63 ஆகவும், டீசல் லிட்டருக்கு ரூ.6.70 காசு குறைந்து ரூ.94.24 ஆகவும் விற்பனை செய்யப்பட்டது. 

அதன்பிறகு பெட்ரோல், டீசல் விலையில் மாற்றமில்லாமல் விற்பனையாகிறது. அதன்படி, இன்று 101 ஆவது நாளாக பெட்ரோல், டீசல் விலையில் மாற்றம் செய்யப்படவில்லை.