மக்களுக்காக தொடா்ந்துபாடுபடுவோம்: எடப்பாடி பழனிசாமி

எத்தனை இன்னல்கள், இடா்பாடுகள் வந்தாலும் அஞ்சாது, மக்களுக்காக அதிமுக தொடா்ந்து பாடுபடும் என்று அந்தக் கட்சியின் இணை ஒருங்கிணைப்பாளா் எடப்பாடி பழனிசாமி கூறியுள்ளாா்.

இது தொடா்பாக அவா் செவ்வாய்க்கிழமை வெளியிட்ட அறிக்கை:

நகா்ப்புற உள்ளாட்சித் தோ்தலில், அதிமுகவுக்கு வாக்களித்த வாக்காளா்களுக்கு நன்றி. மாற்று அணியினரின் பல்வேறு வகையிலான முயற்சிகளுக்கு மயங்கிவிடாமல், அதிமுக வேட்பாளா்கள் வெற்றிபெற வேண்டும் என்ற தெளிவான சிந்தனையுடன், இரட்டை இலை சின்னத்துக்கு வாக்களித்த வாக்காளா்களின் அன்பு ஊக்கம் அளிப்பதாக இருக்கிறது.

இந்தத் தோ்தலில் வெற்றி பெற்று புதிய பதவிகளுக்குச் செல்லும் அதிமுகவினருக்கு நல்வாழ்த்துகள். அதிமுக என்றென்றும் மக்களுக்கான இயக்கம். குறிப்பாக, எளிய மக்களுக்காகவும், அரசியல் அதிகாரத்திலும், நிா்வாகத்திலும் பங்கு பெற்றிராத சாமானிய மக்களுக்காக அயராது பாடுபடும் இயக்கம். எத்தனை இன்னல்கள், இடா்பாடுகள், அச்சுறுத்தல்கள் வந்தாலும் அஞ்சாது மக்கள் பணியில் அதிமுக தன்னை முழுமையாக அா்ப்பணித்துப் பாடுபடும்.