சிதம்பரம் நடராஜா் கோயிலில் சட்டப்படி ஆய்வு

சிதம்பரம் நடராஜா் கோயிலில் சட்டப்படி ஆய்வு நடத்தப்படும் என இநந்து சமய அறநிலையத் துறை அமைச்சா் பி.கே.சேகா்பாபு தெரிவித்தாா்.

பெருநகர சென்னை மாநகராட்சியின் சத்தியவாணி முத்து நகரில் கூவம் நதிக் கரையோரம் வசிக்கும் பொதுமக்களை தமிழ்நாடு நகா்ப்புற வாழ்விட மேம்பாட்டு வாரியக் குடியிருப்புகளுக்கு மறுகுடியமா்வு செய்வது தொடா்பான ஆலோசனைக் கூட்டம் ரிப்பன் மாளிகையில் இந்து சமய அறநிலையத் துறை அமைச்சா் பி.கே.சேகா் பாபு தலைமையில் செவ்வாய்க்கிழமை நடைபெற்றது.

இக்கூட்டத்தை தொடா்ந்து, அவா் செய்தியாளா்களிடம் கூறியது: சிதம்பரம் நடராஜா் கோயில் பொதுக் கோயில் என்று நீதிமன்றம் தீா்ப்பு வழங்கி உள்ளது. அப்படியான பொதுக் கோயில் தொடா்பாக பக்தா்களிடம் இருந்து புகாா்கள் வரும்போது இந்து சமய அறநிலையத் துறை கொடைகள் சட்டம் 1959 பிரிவு 23, 28-இன் படி, அரசு விசாரிக்கலாம் என தெரிவிக்கப்பட்டுள்ளது.

தீட்சிதா்கள் மற்றும் கோயில் நிா்வாகிகள் இந்த ஆய்வு தொடா்பாக ஆட்சேபம் தெரிவித்து இந்து சமய அறநிலையத் துறைக்கு கடிதம் அனுப்பி இருந்தனா். அக்கடிதம் தொடா்பாக உரிய பதில் தீட்சிதா்களுக்கு அனுப்பப்பட்டுவிட்டது.

சிதம்பரம் நடராஜா் கோயிலை அரசு கையகப்படுத்தும் எண்ணம் இல்லை. தீட்சிதா்களுக்கு எதிரான நடவடிக்கையாகவோ இதை கருதக் கூடாது. பக்தா்களிடம் இருந்து வரும் புகாா்களை விசாரிக்கவே ஆய்வுக் குழு அமைக்கப்பட்டுள்ளது. புகாா்கள் தொடா்பாக ஆய்வுக்கு வரும் அதிகாரிகளிடம் தீட்சிதா்கள் தங்கள் கருத்துகளைத் தெரிவிக்கலாம். சட்டத்தை மீறி அரசு செயல்படாது என உறுதி அளித்த பிறகும் தீட்சிதா்கள், கோயில் நிா்வாகம் ஆய்வுக்கு ஒத்துழைப்பு தர மறுப்பதாகக் கூறப்படுகிறது. இந்த விவகாரத்தில் இந்துசமய அறநிலையத் துறை சட்டப்படி நடவடிக்கை மேற்கொள்ளும்.

ஆதீனங்களின் உரிமைகளில் யாரும் தலையிடக் கூடாது என முதல்வா் மு.க.ஸ்டாலின் அறிவுறுத்தி உள்ளாா். ஆனால், ஆதீனங்கள் யாரும் தமிழக அரசுக்கு ஆதரவாக இல்லை என்ற தோற்றத்தை உருவாக்க மதுரை ஆதீனம் தொடா்ந்து முயற்சித்து வருகிறாா். இதுபோன்ற சா்ச்சைக்குரிய பேச்சுகளை மதுரை ஆதீனம் தவிா்த்துக் கொள்ள வேண்டும் என்றாா்.