தமிழ்நாட்டில் ஒமைக்ரான் பிஏ-4: மா. சுப்பிரமணியன்

தமிழ்நாட்டில் ஒமைக்ரான் பிஏ-4 வகை கரோனா தொற்று பாதிப்பு கண்டறியப்பட்டுள்ளதாக மருத்துவத் துறை அமைச்சர் மா. சுப்பிரமணியன் தெரிவித்துள்ளார்.

இதுதொடர்பாக செய்தியாளர் சந்திப்பில் அவர் கூறியதாவது:

"தமிழ்நாட்டில் ஒருவருக்கு பிஏ-4 வகை தொற்று இருப்பது கண்டறியப்பட்டது. தகவலறிந்து மருத்துவத் துறைச் செயலர் இரவே அவர்களை நேரில் சென்று சந்தித்தார். அவர் நலமுடன் உள்ளார். நோய்த் தொற்றிலிருந்து குணமடைந்துவிட்டார். அவருடன் தொடர்பிலிருந்த எவருக்கும் தொற்று பரவவில்லை."

இந்தியாவில் கடந்த வியாழக்கிழமை பிஏ-4 வகை கரோனா தொற்றின் முதல் பாதிப்பு ஹைதராபாத்தில் கண்டறியப்பட்டது குறிப்பிடத்தக்கது.