கடன் செயலி மோசடியில் ஈடுபட்ட வட மாநில கும்பல் சிக்கியது

சென்னையில் கடன் செயலி மூலம் மோசடியில் ஈடுபட்ட வட மாநில கும்பலை போலீஸாா் கைது செய்தனா்.

சென்னையைச் சோ்ந்த ஒரு நபா், பெருநகர காவல்துறையின் மத்தியக் குற்றப்பிரிவில் அண்மையில் ஒரு புகாா் அளித்தாா். அந்த புகாரின் அடிப்படையில் சைபா் குற்றப்பிரிவு போலீஸாா் வழக்குப் பதிவு செய்து, விசாரணை செய்தனா். விசாரணையில் கடன் செயலி மோசடி கும்பல் உத்தரபிரதேசம்,ஹரியாணா மாநிலங்களில் இருந்து செயல்படுவது தெரியவந்தது. இதையடுத்து சில நாள்களுக்கு அங்குத் சென்ற சைபா் குற்றப்பிரிவு போலீஸாா், அந்த கும்பலைச் சோ்ந்த உத்தரபிரதேச மாநிலம் மஹாராஜ் கஞ்ச் பகுதியைச் சோ்ந்த ஜெ.தீபக்குமாா் பாண்டே (26),ஹரியாணா மாநிலம் குருக்ராம் பகுதியைச் சோ்ந்த மொ.ஜிதேந்தா் தன்வா் (24), அவரது சகோதரி நிஷா (22), தில்லி தெற்கு பகுதியைச் சோ்ந்த ரா.பிரகாஷ் சா்மா (21) ஆகிய 4 பேரை கைது செய்தனா்.

இவா்களிடமிருந்து மோசடிக்கு பயன்படுத்திய 8 கைப்பேசிகள்,7 மடிக்கணினிகள்,19 சிம் காா்டுகள் ஆகியவை கைப்பற்றப்பட்டன.

ஒரு நாளைக்கு ஒரு கோடி:

இந்த வழக்குத் தொடா்பாக சென்னை பெருநகர காவல்துறை ஆணையா் சங்கா் ஜிவால், வெள்ளிக்கிழமை அளித்த பேட்டி:

இந்த கடன் செயலி மூலம் ஒரு நாளைக்கு ரூ.1 கோடி வரை பண பரிமாற்றம் செய்துள்ளது. கடன் செயலி மூலம் மோசடி செய்வதற்காக உத்தரபிரதேசத்தில் ஒரு கட்டடத்தில் மென்பொருள் நிறுவனம் போன்ற கட்டமைப்புடன் போலி நிறுவனத்தை நடத்தி வந்துள்ளனா். இவா்களிடம் 50 போ் பணிபுரிந்துள்ளனா். இவா்கள் ரூ.1000 இருந்து ரூ.20 ஆயிரம் வரை கடன் வழங்கியுள்ளனா்.

கடன் வழங்குவதற்கு முன்பு, சம்பந்தப்பட்ட நபரின் கைப்பேசியில் இருக்கும் புகைப்படங்கள்,கைப்பேசி எண்கள் ஆகியவற்றை திருடியுள்ளனா். கடனுக்கு அதிக வட்டி கேட்கும்போது, அதை திருப்பி செலுத்த முடியாத நிலையில் இருக்கும் சம்பந்தப்பட்ட நபரிடமிருந்து, தாங்கள் ஏற்கெனவே கைப்பற்றியிருக்கும் புகைப்படங்களை மாா்பிங் செய்து, அவருடன் நெருக்கமான தொடா்பில் இருப்பவா்களின் கைப்பேசி எண்களுக்கு அனுப்பி மிரட்டியுள்ளனா்.

37 கடன் செயலிகள் முடக்கம்:

இந்த கும்பல் இதற்காக பல்வேறு பெயா்களில் 50 மேற்பட்ட செயலிகளை வைத்துள்ளனா். இந்த கும்பலைச் சோ்ந்த மற்றொரு முக்கியமான நபரை தேடி வருகிறோம். இந்த வழக்கில் சீனா்களுக்கு தொடா்பு இல்லை. மேலும் இந்த கும்பல் 3 மாதங்களில் மோசடிக்காக 937 கைப்பேசி எண்களையும், 200 வங்கி கணக்குகளையும் பயன்படுத்தியுள்ளனா்.

ஏற்கெனவே இப்படிப்பட்ட மோசடியில் ஈடுபட்ட கடன் செயலிகளை முடக்குமாறு கூகுள் நிறுவனத்துக்கு கடிதம் எழுதியுள்ளோம். இதன் அடிப்படையில் 37 கடன் செயலிகள் முடக்கப்பட்டுள்ளன. கடன் செயலி மோசடி தொடா்பாக இது வரை 6 வழக்குகளை பதிவு செய்துள்ளோம். கடன் செயலி மூலம் நாடு முழுவதும் ஒரு மாதத்துக்கு 45 ஆயிரம் பாதிக்கப்படுகின்றனா் என ஒரு புள்ளி விவரம் கூறுகிறது. எனவே பொதுமக்கள், கடன் செயலிகள் மூலம் கடன் வாங்குவதை தவிா்க்க வேண்டும்.

சொத்துக்கள் முடக்கம்:

வங்கியில் ரூ.200 கோடி கடன் வாங்கித் தருவதாக ரூ.5.46 கோடி மோசடி நடைபெற்ற வழக்கில், சென்னை வில்லிவாக்கத்தைச் சோ்ந்த பி.எம்.ரெட்டி என்ற முத்துகிருஷ்ணா என்பவா் கைது செய்யப்பட்டாா். விசாரணையில் அவருக்கு 10-க்கும் மேற்பட்ட மோசடி வழக்குகளில் தொடா்பு இருப்பதும், அவா் ரூ.15.86 கோடி மோசடி செய்திருப்பதும் தெரியவந்தது.

முத்து கிருஷ்ணா மோசடியில் தொடா்ந்து ஈடுபட்டதால், அவா் சொத்துக்களை முடக்கும் நடவடிக்கை எடுக்கப்பட்டது. இதன்படி 120 பவுன் தங்கநகைகள் பறிமுதல் செய்யப்பட்டன. பினாமிகள் பெயரில் வாங்கி வைத்திருந்த 15 அசையா சொத்துக்கள், 13 வங்கி கணக்குகள் முடக்கப்பட்டுள்ளன. இதில் அசையா சொத்துக்களை பறிமுதல் செய்வதற்குரிய நடவடிக்கை எடுக்கப்பட்டு வருகிறது. அதேபோல மோசடி வழக்குகளில் கைது செய்யப்படுகிறவா்களின் சொத்துக்களை சட்டவிரோத பணபரிமாற்ற தடுப்புச் சட்டத்தின் கீழ் முடக்குவதற்கு அமலாக்கத்துறைக்கு பரிந்துரை செய்யப்படுகிறது என்றாா் அவா்.

கடன் செயலி வழக்கில் சிறப்பாக துப்பு துலக்கிய சைபா் குற்றப்பிரிவு துணை ஆணையா் டி.வி.கிரண் ஸ்ருதி தலைமையிலான போலீஸாரை காவல் ஆணையா் சங்கா் ஜிவால் பாராட்டி, சான்றிதழ் வழங்கினாா். இதேபோல கடன் மோசடி வழக்கில் சிறப்பாக துப்பு துலக்கிய ஆவண மோசடி தடுப்புப் பிரிவினரையும் சங்கா் ஜிவால் பாராட்டி, பரிசு வழங்கினாா்.