Enable Javscript for better performance
'பச்சப் புள்ள பாவம்': குட்டியை வழிநடத்தும் யானைகள் - வைரல் விடியோ- Dinamani

உடனுக்கு உடன் செய்திகள்

    'பச்சப் புள்ள பாவம்': குட்டியை வழிநடத்தும் யானைகள் - வைரல் விடியோ

    By ENS  |   Published On : 25th April 2022 03:09 PM  |   Last Updated : 25th April 2022 04:53 PM  |  அ+அ அ-  |  

    elephant_kovai

    'பச்சப் புள்ள பாவம்': குட்டியை வழிநடத்தும் யானைகள் - வைரல் விடியோ

    கோவை மாவட்டத்தில் நரசிபுரம் அருகே, விவசாய நிலப் பகுதிக்குள் நுழைந்த யானைக் கூட்டத்தில் இருந்த குட்டியானை, மின் ஒயரை மிதிக்காமல் கடந்து செல்ல பெரிய யானைகள் உதவிய விடியோ அதிகம் பேரால் பகிரப்பட்டு வருகிறது.

    அந்த விடியோவில், ஐந்து யானைகள் உணவு மற்றும் குடிநீர் தேடி விவசாயப் பகுதிக்குள் நுழைந்துவிட்டன. அங்கிருந்து வெளியேறும் போது, முதலில் இரண்டு யானைகள் சூரிய மின்சக்தி ஒயரை தாண்டிச் சென்றுவிட்டன. தங்களுடன் வந்த குட்டி யானை, அந்த ஒயரை தாண்ட முடியாததால், பெரிய யானை ஒன்று, ஒயரை காலால் மிதித்து தரைமட்டமாக்க, குட்டி யானை மிக அழகாக அதனைக் கடந்து செல்கிறது.

     

    இந்த அழகிய காட்சிகள் மட்டுமல்ல, யானைகள் விவசாயப் பகுதியிலிருந்து வெளியேறிச் செல்லும் போது, தங்கள் வீட்டு விருந்தாளிகள் பத்திரமாக செல்லும் வகையில் அவர்களை பத்திரமாக போய்விட்டு வாருங்கள், பார்த்துச் செல்லுங்கள் என்போம் அல்லவா? அதுபோல கிராம மக்கள், குட்டி யானை அந்த ஒயரைக் கடக்க முடியாமல் தவிக்கும் போது பெற்ற பிள்ளை தவிப்பதைப் போல ”புள்ள.. பச்சப் புள்ள.. பச்சப் புள்ள பாவம்.. வலிக்குமே பிள்ளைகளுக்கு.. குட்டிப் போகட்டும்... அவ்வளவு தான் அவ்வளவுதான்” என பின்னிருந்து குரல் கொடுப்பது மேலும் நெகிழ்ச்சியை ஏற்படுத்துவதாக உள்ளது.

     

    இந்த விடியோவை, தமிழக சுற்றுச்சூழல், காலநிலை மாற்றம் மற்றும் வனத்துறை கூடுதல் செயலாளர் சுப்ரியா சாஹு தனது டிவிட்டர் பக்கத்தில் பகிர்ந்துள்ளார்.

    யானைக் குடும்பம், தங்களது குட்டி யானைக்கு இசட் பிரிவு பாதுகாப்பை வழங்குகின்றன. கிராம மக்களின் அந்த குரல் மனதை நெகிழச் செய்வதாக உள்ளது என்றும் விடியோவில் கூறியுள்ளார்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp