கால்நடை அரசு மருத்துவக் கல்லூரி மாணவிகள் தற்கொலை முயற்சி

சென்னை வேப்பேரியில் கால்நடை அரசு மருத்துவக் கல்லூரியைச் சோ்ந்த இரு மாணவிகள் ‘மொ்க்குரி சல்பைடு’ சாப்பிட்டு தற்கொலைக்கு முயன்றது குறித்து போலீஸாா் விசாரணை நடத்தி வருகின்றனா்.

சென்னை வேப்பேரியில் கால்நடை அரசு மருத்துவக் கல்லூரி செயல்படுகிறது. இதன் எதிரே மாணவிகள் விடுதி உள்ளது. இந்தக் கல்லூரியில் மதுரை மாவட்டம் கருப்பாயூரணி பகுதியைச் சோ்ந்த ஒரு மாணவி இரண்டாமாண்டும், வேலூா் மாவட்டம் ஆற்காடு பகுதியைச் சோ்ந்த ஒரு மாணவி இரண்டாமாண்டும் படித்து வருகின்றனா்.

இவா்கள் இருவரும் அங்குள்ள விடுதியிலேயே தங்கியிருந்தனா். இந்நிலையில் இருவரும், தற்கொலை செய்துக் கொள்ளும் எண்ணத்துடன் மருத்துவக் கல்லூரி ஆய்வகத்தில் உள்ள ‘மொ்குரி சல்பைட்டை’ புதன்கிழமை சாப்பிட்டனா். இதில் உடல் நலம் பாதிக்கப்பட்ட இருவரையும் பாா்த்து அங்கிருந்த பிற மாணவிகள் அதிா்ச்சியடைந்தனா். உடனே அவா்கள், இருவரையும் மீட்டு ராஜீவ்காந்தி அரசு பொதுமருத்துவமனையில் சிகிச்சைக்காக சோ்த்தனா். அங்கு இருவருக்கும் தீவிர சிகிச்சை அளிக்கப்படுகிறது.

இது தொடா்பாக மருத்துவமனை அளித்த தகவலின் அடிப்படையில் பெரியமேடு போலீஸாா் வழக்குப் பதிவு செய்து, விசாரணையை தொடங்கினா்.

போலீஸாரின் முதல் கட்ட விசாரணையில் கிடைத்த தகவல்கள்:

தற்கொலைக்கு முயன்ற இரு மாணவிகளும் நெருங்கிய தோழிகள் ஆவா். இருவரும் ஒரு மாதத்துக்கு முன்பு வெளியில் சென்றுவிட்டு விடுதிக்கு தாமதமாக வந்தனா். இதைப் பாா்த்த விடுதி விடுதி வாா்டன்கள், இருவரையும் கண்டித்து, எச்சரித்து அனுப்பினா். மேலும் விடுதி நிா்வாகம் சாா்பில், இரு மாணவிகளின் பெற்றோருக்கும் இது தொடா்பாக தகவல் தெரிவிக்கப்பட்டது. இதனால் இரு மாணவிகளின் பெற்றோரும், அவா்களை திட்டியதாக கூறப்படுகிறது. அதேபோல இரு மாணவிகளுடன் படிக்கும் பிற மாணவ-மாணவிகளும் அவா்களை தவறாக பேசியதாகக் கூறப்படுகிறது.

இதன் விளைவாக இரு மாணவிகளுக்கும், தங்களுக்கு வாழ பிடிக்கவில்லை என கூறி வந்துள்ளனா். அதோடு இருவரும் மிகுந்த மன உளைச்சலுடன் காணப்பட்டுள்ளனா். இதன் விளைவாக இரு மாணவிகளும் தற்கொலை முடிவுக்கு சென்றிருக்கலாமா என்ற சந்தேகம் போலீஸாரிடம் ஏற்பட்டுள்ளது. இது தொடா்பாக போலீஸாா், தொடா்ந்து விசாரணை நடத்தி வருகின்றனா்.