அமைச்சர்களின் அடுத்த ஊழல் பட்டியல் விரைவில் வெளியிடப்படும்: கே.அண்ணாமலை

அமைச்சர்களின் அடுத்த ஊழல் பட்டியல் விரைவில் வெளியிடப்படும் என்று பாஜக மாநிலத் தலைவர் கே.அண்ணாமலை தெரிவித்துள்ளார். 

திருச்சியில் நடைபெற்ற பாஜக இளைஞர் அணி மாநில செயற்குழு கூட்டம் இன்று நடைபெற்றது. இதில் கட்சியின் மாநிலத் தலைவர் கே.அண்ணாமலை உள்ளிட்டோர் பங்கேற்றனர். கூட்டத்துக்குப் பிறகு செய்தியாளர்களுக்கு பேட்டியளித்த அவர், அமைச்சர்களின் அடுத்த ஊழல் பட்டியல் விரைவில் வெளியிடப்படும். 

பொதுமக்கள் பேசும் அளவுக்கு ஊழல் அதிகரித்து வருகிறது. ஆளுநர் ஆன்லைன் சூதாட்ட உரிமையாளர்களை சந்தித்தது குறித்து எங்களுக்கு தெரியாது. ஆன்லைன் சூதாட்டத்தை முறைப்படுத்த வேண்டும், தடை செய்ய வேண்டும். ஆன்லைன் சூதாட்டத்திற்கு தீர்வு வேகமாக கிடைக்க வேண்டும் என்பதே எங்களது எதிர்பார்ப்பு. 

இதையும் படிக்க- சினிமாவை மிஞ்சிய சம்பவம்: ஒரே நிமிடத்தில் ரூ.7 கோடி மதிப்பிலான சொகுசு கார்கள் திருட்டு

அரசியலில் அதர்ம வழியில் சென்றால் கடைசியில் பூஜ்யம்தான். சிறுபான்மையின மாணவருக்கான கல்வி உதவித்தொகை வேறொரு திட்டத்தின் பெரியரில் வழங்கப்படுகிறது. மழை, வெள்ள பாதிப்பு விவகாரத்தில் பாஜக அரசியல் செய்யாது. இவ்வாறு அவர் குறிப்பிட்டார்.