தமிழகத்தில் 12-14 வயதுக்குட்பட்ட சிறுவா்களுக்கு கரோனா தடுப்பூசி (‘கோா்பிவேக்ஸ்’) செலுத்தும் பணியை அமைச்சா்கள் மா.சுப்பிரமணியன், அன்பில் மகேஷ் பொய்யாமொழி ஆகியோா் சென்னையில் புதன்கிழமை தொடக்கி வைத்தனா்.
சென்னை அசோக்நகா் அரசு பெண்கள் மேல் நிலைப்பள்ளியில் வைத்து மருத்துவம் மற்றும் மக்கள் நல்வாழ்வுத்துறை அமைச்சா் மா.சுப்பிரமணியன், பள்ளிக் கல்வித்துறை அமைச்சா் அன்பில் மகேஷ் பொய்யாமொழி ஆகியோா் தடுப்பூசி செலுத்தும் பணியைத் தொடக்கி வைத்தனா்.
இதைத் தொடா்ந்து அமைச்சா் மா.சுப்பிரமணியன் செய்தியாளா்களிடம் கூறியதாவது:- 15 முதல் 18 வயதுக்குட்பட்ட சிறுவா்கள் 84.15 சதவீதம் பேருக்கு முதல் தவணை தடுப்பூசியும், 56.24 சதவீதம் பேருக்கு 2-வது தவணை தடுப்பூசியும் செலுத்தப்பட்டுள்ளது. தற்போது 12 முதல் 14 வயதுக்குட்பட்ட சிறுவா்களுக்கு தடுப்பூசி செலுத்த மத்திய அரசு அனுமதி அளித்துள்ளது.
தமிழகத்தில் 21 லட்சத்து 21 ஆயிரம் சிறுவா்களை இலக்கு வைத்து தடுப்பூசி செலுத்தும் பணி தொடங்கப்பட்டுள்ளது. சிறுவா்களின் பெற்றோருக்கு தகவல் தெரிவிக்கப்பட்டு, அவா்கள் சம்மதத்துடன் சிறுவா்களுக்கு தடுப்பூசி செலுத்தப்படும். பூஸ்டா் தடுப்பூசியை பொருத்தவரை 4 லட்சத்து 3 ஆயிரத்து 652 பேருக்கு போடப்பட்டுள்ளது. இந்தநிலையில், 60 வயதை கடந்த இணை நோய் இல்லாதவா்களுக்கும் புதன்கிழமை முதல் பூஸ்டா் தடுப்பூசி போடும் பணியும் தொடங்கப்பட்டுள்ளது.
கரோனா தொற்று முழுமையாக குறைந்துள்ளதால், தற்காலிகமாக பணியமா்த்தப்பட்ட செவிலியா்களுக்கு மாா்ச் 31-ஆம் தேதி வரை மட்டுமே பணி நீட்டிக்கப்பட்டிருந்தது. மருத்துவத்துறையில் உள்ள காலி பணியிடங்களை கண்டறிந்து, மாா்ச் 31-ஆம் தேதிக்கு பிறகு எம்.ஆா்.பி. மூலம் நிரப்புவதற்கு நடவடிக்கை எடுக்கப்படும்.
மேலும் கரோனா காலக்கட்டத்தில் பணி புரிந்தவா்களுக்கு சான்றிதழ் வழங்கி, எதிா்காலத்தில் மருத்துவத்துறையில் பணி நிரப்பும் போது, சான்றிதழ் வைத்திருப்பவா்களுக்கு சலுகை வழங்கி முன்னுரிமை அடிப்படையில் பணி வழங்கப்படும். நிச்சயம் ஏதாவது ஒருவகையில் அவா்களுக்கு உறுதுணையாக இருப்போம் என்றாா் அவா்.
இந்தநிகழ்ச்சியில் பெருநகர சென்னை மாநகராட்சி மேயா் ஆா்.பிரியா, துணை மேயா் மு.மகேஷ்குமாா், எம்.எல்.ஏ.க்கள் த.வேலு, ஜெ.கருணாநிதி, ஏ.எம்.வி.பிரபாகா் ராஜா, மக்கள் நல்வாழ்வுத்துறை முதன்மைச் செயலாளா் ஜெ.ராதாகிருஷ்ணன் உள்ளிட்ட அதிகாரிகள் கலந்து கொண்டனா்.
