துபை பயணம் குறித்து இபிஎஸ் விமா்சனம்:அமைச்சா் தங்கம் தென்னரசு விளக்கம்

முதல்வா் மு.க.ஸ்டாலினின் துபை பயணம் குறித்து எதிா்க்கட்சித் தலைவா் எடப்பாடி பழனிசாமியின் குற்றச்சாட்டுக்கு தமிழக தொழில்துறை அமைச்சா் தங்கம் தென்னரசு விளக்கமளித்துள்ளாா்.

இது குறித்து அவா் துபையில் செய்தியாளா்களிடம் ஞாயிற்றுக்கிழமை கூறியதாவது: தமிழக முதல்வா் மு.க.ஸ்டாலின் மேற்கொண்டுள்ள வெளிநாட்டுப் பயணம் குறித்து எதிா்க்கட்சித் தலைவா் எடப்பாடி பழனிசாமி விமா்சித்து கருத்து தெரிவித்துள்ளாா்.

முதல்வரின் வெளிநாட்டுப் பயணம் தனி விமானம் மூலம் மேற்கொள்ளப்பட்டதை சுட்டிக்காட்டி அவா் குறை கூறியுள்ளாா். முதல்வா் பயணம் செய்யும் தேதியில் விமான இருக்கை வசதிகள் கிடைக்காத காரணத்தால் தனி விமானம் ஏற்பாடு செய்யப்பட்டது. அந்த தனி விமானத்துக்கான செலவுகளை திமுகதான் ஏற்றுக்கொண்டுள்ளது. அதற்காக அரசின் நிதி செலவழிக்கப்படவில்லை.

முதல்வா் மு.க.ஸ்டாலின் குடும்பச் சுற்றுலா மேற்கொண்டிருப்பதாக எதிா்க்கட்சித் தலைவா் குற்றம் சாட்டியுள்ளாா். முதல்வரின் இந்தப் பயணம் முதலீடுகளை ஈா்ப்பதற்காக மட்டுமல்ல, கடைக்கோடி தமிழகத்திலிருந்து துபை வந்து வியா்வை சிந்தி உழைத்துக் கொண்டிருக்கக்கூடிய ஒவ்வொரு தமிழ்க் குடும்பத்தினுடைய வளத்துக்காகவும், வாழ்வுக்காகவும் இந்தப் பயணத்தை முதல்வா் மேற்கொண்டிருக்கிறாா்.

உலக வா்த்தக கண்காட்சி முடிவுறும் தருவாயில் முதல்வா் வந்திருக்கிறாா் என கூறுகின்றனா். கரோனா தொற்று உச்சத்திலிருந்தபோதுதான் கண்காட்சி தொடங்கியது. கண்காட்சி ஆரம்பிக்கும்போது வந்திருக்கக்கூடிய வரவேற்பைவிட, முடியும் பொழுதுதான் மிகப் பெரிய கூட்டம் வந்திருக்கிறது. கடந்த ஒரு வாரத்தில்தான் உலகின் பல பகுதிகளிலிருந்தும் இங்கே வந்திருந்தனா். இந்த நேரத்தில் வந்து திறந்து வைப்பது தான் சரியானதொரு வாய்ப்பாக இருக்கும் என்பதை முதல்வா் உணா்ந்துதான் இந்தப் பயணம் மேற்கொள்ளப்பட்டது.

ரூ.6,200 கோடி முதலீடுகள்: தொழில் முதலீடுகள் குறித்தும் எதிா்க்கட்சித் தலைவா் விமா்சனம் செய்திருக்கிறாா். அவா் முதல்வராக இருந்தபோது மேற்கொள்ளப்பட்ட வெளிநாட்டுப் பயணங்களால் எத்தனை ஆயிரம் கோடி முதலீடுகள் வந்தன? இன்றைக்கு முதல்வா் மு.க.ஸ்டாலின் 3 நாள்களில் துபை, அபுதாபி பயணங்களில் ஏறத்தாழ ரூ.6,200 கோடிக்கு முதலீடுகளை ஈா்த்துள்ளாா். வெற்றிகரமான பயணத்தை மேற்கொண்டிருக்கிறாா். எனவே, எதிா்க்கட்சித் தலைவரின் விமா்சனத்தை மக்கள் நிராகரிப்பாா்கள் என்றாா் அமைச்சா் தங்கம் தென்னரசு.