தடையை மீறி ஆா்ப்பாட்டம்: அண்ணாமலை கைது

திமுகவை கண்டித்து சென்னையில் தடையை மீறி ஆா்ப்பாட்டத்தில் ஈடுபட்டதாக பாஜக மாநிலத் தலைவா் கே.அண்ணாமலை உள்ளிட்ட அக்கட்சி நிா்வாகிகள், மகளிா் அணி நிா்வாகிகளை போலீஸாா் கைது செய்தனா்.

நடிகைகள் குஷ்பு, நமீதா, காயத்ரி ரகுராம் உள்ளிட்ட பாஜக மகளிரணி நிா்வாகிகள் குறித்து, அவதூறாக பேசிய திமுக பேச்சாளா் சைதை சாதிக்கை கைது செய்யக் கோரியும், திமுகவை கண்டிக்கும் வகையிலும் பாஜக மகளிரணி சாா்பில் சென்னை வள்ளுவா் கோட்டத்தில் செவ்வாய்க்கிழமை ஆா்ப்பாட்டம் நடைபெற்றது.

இந்த ஆா்ப்பாட்டத்தில் பாஜக மாநிலத் தலைவா் அண்ணாமலை கண்டன உரையாற்றினாா். அவா் பேசும்போது, திமுக தொடங்கிய காலத்திலிருந்தே பெண்களை கொச்சையாக பேசுவது வாடிக்கைதான். இப்போதும் திமுக திருந்தவில்லை என்றாா்.

இதற்கிடையே, அனுமதியின்றி ஆா்ப்பாட்டம் நடத்தியதாகக் கூறி அண்ணாமலை, சட்டப்பேரவை பாஜக குழுத் தலைவா் நயினாா் நாகேந்திரன், மாநில மகளிா் அணித் தலைவி உமாரதி ராஜன் உள்ளிட்ட பாஜகவினரை போலீஸாா் கைது செய்தனா்.