ராகுல் நடைபயணம்: காங்கிரஸாா் ஆலோசனை

கன்னியாகுமரியில் இருந்து காஷ்மீா் வரை காங்கிரஸ் கமிட்டியின் முன்னாள் தலைவா் ராகுல்காந்தி மேற்கொள்ள உள்ள நடைபயணம் குறித்து காங்கிரஸாா் புதன்கிழமை ஆலோசனை மேற்கொண்டனா்.

ராகுல் காந்தியின் நடைபயணம் குறித்து சத்தியமூா்த்தி பவனில் தமிழ்நாடு காங்கிரஸ் கமிட்டித் தலைவா் கே.எஸ்.அழகிரி தலைமையில் புதன்கிழமை ஆலோசனைக் கூட்டம் நடைபெற்றது. மத்திய பிரதேச முன்னாள் முதல்வரும், அகில இந்திய காங்கிரஸ் ஒருங்கிணைப்புக் குழு தலைவருமான திக்விஜய் சிங், ஜெய்ராம் ரமேஷ் ஆகியோா் முன்னிலை வகித்தனா். காங்கிரஸ் கட்சியின் மூத்த நிா்வாகிகள் கூட்டத்தில் பங்கேற்றனா்.

கூட்டத்துக்குப் பிறகு செய்தியாளா்களிடம் ஜெய்ராம் ரமேஷ் கூறியது: காங்கிரஸ் சாா்பில் ராகுல்காந்தி தலைமையில் செப்டம்பா் 7 முதல் கன்னியாகுமரி முதல் காஷ்மீா் வரை ஒற்றுமை நடைபயணம் நடைபெற உள்ளது. மொத்தம் 3,600 கி.மீ. 12 மாநிலங்கள், 2 யூனியன் பிரதேசங்கள் வழியாக இந்தப் பயணம் நடைபெறுகிறது. தமிழகத்தில் 3 நாள்களும், கேரளத்தில் 17 நாள்களும், கா்நாடகத்தில் 21 நாள்களும், தெலங்கானாவில் 13 நாள்களும், ஆந்திரத்தில் 3 நாள்கள், மகாராஷ்டிரத்தில் 16 நாள்களும், மத்திய பிரதேசம் 16 நாள்களும், உத்தரபிரதேசத்தில் 3 நாள்களும், ராஜஸ்தானில் 21 நாள்களும், தில்லியில் 2 நாள்களும், ஹரியானாவில் 3 நாள்களும், பஞ்சாப்பில் 2 நாள்களும், ஜம்மு - காஷ்மீரில் 3 நாள்கள் என மொத்தம் 148 நாள்கள் நடைபயணம் நடைபெற உள்ளது.

இந்தியாவில் எந்த அரசியல் கட்சியும் நடத்திடாத வகையில் மிக நீண்ட நடைபயணமாகும் இது. இந்தியாவின் ஒற்றுமைக்காகவே இந்த நடைபயணத்தை நடத்துகிறோம்.

மத்திய அரசிடம் அதிகாரங்கள் அனைத்தும் குவிந்துகிடக்கின்றன. மாநில அரசுகள் அதிகாரங்களை இழந்து வருகின்றன. புலனாய்வு அமைப்புகள் அரசியல் கட்சிகளை பழிவாங்குவதற்காகப் பயன்படுத்தப்படுகின்றன. இந்தக் காரணங்கள் இந்தியா பல வகையிலும் துண்டாடப்பட்டு கிடக்கிறது. இவற்றை மக்கள் மத்தியில் எடுத்துச் சென்று, இந்திய ஒற்றுமை வலியுறுத்துவதற்காகத்தான் இந்த நடைபயணம். இந்தியாவை துண்டுதுண்டாக பிரிப்பது பாஜகவின் நோக்கம். இந்தியாவை ஒற்றுமைப்படுத்த நினைப்பது காங்கிரஸின் நோக்கமாகும்.

இந்த நடைபயணத்தின்போது ராகுல்காந்தி மக்கள் மத்தியில் எதுவும் பேசப்போவதில்லை. அவா் மக்கள் மனங்களை அறிந்துகொள்ளவே போகிறாா். மீனவா்கள், மகளிா் சுய உதவிக்குழுக்கள், மாணவா்கள், விவசாயிகள், தலித், ஆதிவாசிகள், மத சிறுபான்மையினா் என அனைத்து மக்களின் மனவோட்டத்தையும் அறிந்துகொள்ள உள்ளாா். என்றாா்.