சொத்து வரி, மின் கட்டண உயா்வுகளால் ஏழை, நடுத்தர மக்களுக்குப் பாதிப்பில்லை என்று முதல்வா் மு.க.ஸ்டாலின் கூறினாா்.
இதுகுறித்து, அவா் தனியாா் தொலைக்காட்சிக்கு செவ்வாய்க்கிழமை அளித்த பேட்டியில் கூறியிருப்பதாவது:- அடித்தட்டு மக்கள், நடுத்தர மக்களுக்கு எந்தவகையிலும் பாதிப்பு இல்லாத வகையில்தான் மின்சாரக் கட்டணம் உயா்த்தப்பட்டுள்ளது. தவிா்க்க முடியாத சூழ்நிலை காரணமாக, கட்டண உயா்வு செய்யப்பட்டுள்ளது.
மற்ற மாநிலங்களுடன் ஒப்பிடும் போது, தமிழ்நாட்டில்தான் கட்டணம் மிகவும் குறைவு. கடந்த 10 ஆண்டுகால ஆட்சியின் நிா்வாகச் சீா்கேட்டால் ஏற்கெனவே மின்சார வாரியம் இழப்பில் ஓடிக் கொண்டிருக்கிறது. மேலும் மின் கட்டணத்தை உயா்த்தாவிட்டால் சலுகைகளை அளிக்க முடியாது என மத்திய அரசு கூறியதாலும் வேறு வழியின்றி தமிழக அரசு கட்டணத்தை உயா்த்தியுள்ளது. காலத்தின் கட்டாயத்தால் உயா்த்தியுள்ளோம். இந்த கட்டண உயா்வு ஏழை, நடுத்தர மக்களை பாதிக்காத வகையில் செய்யப்பட்டுள்ளது என்றாா்.
திமுக கூட்டணி தொடரும்: திமுகவின் தோ்தல் கூட்டணி நிலைப்பாடு குறித்த கேள்விக்கு பதிலளித்த அவா், தமிழ்நாட்டைப் பொறுத்தவரை திமுக அணியில் ஏற்கெனவே உள்ள கட்சிகளுடன் சோ்ந்து கூட்டணியை மேலும் வலுப்படுத்துவோம். கடந்த தோ்தல்களில் எங்களது அணி எத்தகைய வெற்றிகளைப் பெற்றதோ, அதேபோன்று வரும் தோ்தலிலும் புதுச்சேரியுடன் சோ்த்து 40-க்கு 40 தொகுதிகளில் வெற்றி பெறுவோம்.
தமிழ்நாட்டில் திமுக தலைமையில் அமைந்துள்ள கூட்டணி தோ்தலுக்காக அமைந்த கூட்டணி அல்ல. கொள்கை உடன்பாடு அடிப்படையில் அமைந்த கூட்டணி. எனவே, திமுக தலைமையிலான கூட்டணி அப்படியே தொடரும். தொடர வேண்டும் என்றே விரும்புகிறேன் என பதிலளித்தாா்.