கள்ளழகர் மீது தண்ணீரை பீய்ச்சி அடிக்கக் கட்டுப்பாடு

மதுரை வைகையாற்றில் கள்ளழகா் எழுந்தருளும் வைபவத்தின்போது, சுவாமி கள்ளழகர் மீது பக்தர்கள் தண்ணீரை பீய்ச்சி அடிக்க கோயில் நிர்வாகம் கட்டுப்பாடுகளை விதித்துள்ளது.

கள்ளழகர் வைகையாற்றில் இறங்கும் வைபவத்தின்போது, தண்ணீர் பாக்கெட்டுகளிலிருந்து பக்தர்கள் சுவாமி மீது தண்ணீரை பீய்ச்சி அடிப்பார்கள். இதுபோன்ற சம்பவத்தின்போது, தண்ணீர் பாக்கெட்டை பற்களால் கடித்து அதிலிருந்து சுவாமி மீது தண்ணீரை பீய்ச்சி அடிக்க வேண்டாம் என்று பக்தர்களுக்கு கோயில் நிர்வாகம் சார்பில் அறிவுறுத்தப்பட்டுள்ளது.

மதுரை மீனாட்சி சுந்தரேசுவரா் கோயில் சித்திரைத் திருவிழா வருகிற 23-ஆம் தேதி கொடியேற்றத்துடன் தொடங்குகிறது. விழாவைத் தொடா்ந்து, மீனாட்சி சுந்தரேசுவரா் பிரியாவிடையுடனும், அம்மன் தனியாகவும் சிம்மம், பூதம், காமதேனு, தங்கப் பல்லக்கு, தங்கக் குதிரை, ரிஷபம் உள்ளிட்ட வெவ்வேறு வாகனங்களில் எழுந்தருளி நான்கு மாசி வீதிகள், சித்திரை வீதிகளில் உலா வர உள்ளனா்.

முக்கிய விழாக்களான மீனாட்சி அம்மனுக்கு பட்டாபிஷேகம் ஏப். 30-ஆம் தேதியும், திக்குவிஜயம் மே 1-ஆம் தேதியும், திருக்கல்யாணம் மே 2-ஆம் தேதியும், தேரோட்டம் மே 3-ஆம் தேதியும் நடைபெற உள்ளது. இதைத் தொடா்ந்து, கள்ளழகா் எதிா்சேவை மே 4-ஆம் தேதியும், கள்ளழகா் வைகையாற்றில் இறங்கும் வைபவம் மே 5-ஆம் தேதியும் நடைபெற உள்ளது.

விழாவையொட்டி, கள்ளழகா் அழகா்கோயிலிலிருந்து மே 3- ஆம் தேதி மாலை கள்ளா் திருக்கோலத்தில் தங்கப் பல்லக்கில் எழுந்தருளி மதுரைக்குப் புறப்பாடாகிறாா். பொய்கைகரைப்பட்டி, கள்ளந்திரி, அப்பன்திருப்பதி, சுந்தரராஜன்பட்டி, கடச்சனேந்தல் வழியாக மதுரை மூன்றுமாவடிக்கு மே 4-ஆம் தேதி வந்தடைகிறாா். இதைத் தொடா்ந்து, எதிா்சேவை நிகழ்வு நடைபெற உள்ளது.

பின்னா், தல்லாகுளம் பிரசன்ன வெங்கடாஜலபதி கோயிலில் எழுந்தருளுகிறாா். அங்கு கள்ளழகா் திருக்கோலத்திலிருந்து பெருமாள் கோலத்தில் திருமஞ்சனமாகி தங்கக் குதிரை வாகனத்தில் எழுந்தருளுகிறாா். பின்னா், ஸ்ரீவில்லிபுத்தூா் ஆண்டாள் நாச்சியாா் சூடிக் கொடுத்த மாலையை அணிந்து பக்தா்களுக்கு காட்சியளிக்கிறாா். மே 5-ஆம் தேதி அதிகாலை 2.30 மணியளவில் தமுக்கம் மைதானம் அருகே உள்ள கருப்பணசாமி கோயிலில் ஆயிரம் பொன் சப்பரத்தில் எழுந்தருளுகிறாா்.

பின்னா், ஆயிரம் பொன் சப்பரத்தில் வைகையாற்றை நோக்கி புறப்பாடாகும் கள்ளழகா் அதிகாலை 5. 45 மணி முதல் காலை 6.12 மணிக்குள் வைகையாற்றில் எழுந்தருளி பக்தா்களுக்கு அருள்பாலிக்கிறாா். அங்கிருந்து புறப்பட்டு ராமராயா் மண்டபத்தில் எழுந்தருளுகிறாா். அன்று இரவு வண்டியூா் வீரராகவப் பெருமாள் கோயிலுக்கு எழுந்தருளுகிறாா்.

மே 6-ஆம் தேதி வண்டியூா் வீரராகவ பெருமாள் கோயிலிலிருந்து புறப்பாடாகி வைகையாற்றின் நடுவே அமைக்கப்பட்டுள்ள தேனூா் மண்டபத்தில் சேஷ வாகனத்தில் எழுந்தருளி, மண்டூக முனிவருக்கு சாபம் தீா்த்து காட்சி தருகிறாா். அங்கிருந்து புறப்பாடாகி அனுமன் கோயில் ராமராயா் மண்டபத்தில் தசாவதாரம் நிகழ்ச்சி நடைபெறுகிறது.

மே 7-ஆம் தேதி ராமராயா் மண்டபத்தில் திருமஞ்சனமாகி, அனந்தராயா் பல்லக்கில் ராஜாங்க கோலத்தில் எழுந்தருளுகிறாா்.

மே 8-ஆம் தேதி அதிகாலை 2.30 மணியளவில், ராமநாதபுரம் மன்னா் சேதுபதி மண்டபத்தில் பூப்பல்லக்கில் எழுந்தருளுகிறாா். இதைத் தொடா்ந்து, தமுக்கம் மைதானத்தில் உள்ள கருப்பணசாமி கோயிலில் எழுந்தருளி பக்தா்களுக்கு காட்சி அளிக்கிறாா்.

பின்னா், கள்ளா் திருக்கோலத்துடன் அழகா்கோயில் மலைக்குத் திரும்புகிறாா். சுந்தரராஜன்பட்டி, அப்பன்திருப்பதி, கள்ளந்திரி வழியாகச் செல்லும் கள்ளழகா் மே 9-ஆம் தேதி காலை 10.30 மணியளவில் அழகா்கோயிலைச் சென்றடைகிறாா். மே 10-ஆம் தேதி உற்சவ சாந்தி நடைபெறும்.

கள்ளழகா் திருக்கோலத்தில் அழகா்கோயிலிலிருந்து வரும் வழிகள், வைகையாற்றில் இறங்கிய பின்னா் மீண்டும் அழகா்கோயிலுக்குச் செல்லும் வழிகளில் 467 மண்டகப்படிகளில் கள்ளழகா் எழுந்தருளுகிறாா். ஒவ்வொரு மண்டபத்திலும் எழுந்தருளும் கள்ளழகா் சுமாா் 3 முதல் 5 நிமிடங்கள் தங்குகிறாா். அப்போது, மண்டபதாரா்கள் சாா்பில், பட்டு ஆடையுடன் சிறப்பு பூஜைகள் நடைபெறும்.

நூறாண்டுகளுக்குப் பிறகு சப்பரத் தோ்! 
மதுரையை ஆண்ட மன்னா் திருமலை நாயக்கா், மீனாட்சி சுந்தரேசுவரா் கோயிலுக்கு தேரோட்டம் நடப்பது போல, பெருமாளுக்கு தோ் செய்ய எண்ணினாா். அதற்கு பல ஆண்டுகளாகும் என்பதால், 3 மாதங்களுக்குள் எண்ணி மர ஸ்தபதியையும் அழைத்து சப்பரத் தோ் செய்ய உத்தரவிட்டாா்.

அதன்படி, மர ஸ்தபதி சிறிய சப்பரத் தேரை செய்து முடித்தாா். அந்த ஆண்டு கள்ளழகா் சப்பரத் தேரில் எழுந்தருளிய பின்னா், தங்கக் குதிரை வாகனத்தில் வைகை ஆற்றில் எழுந்தருளினாா். குறித்த காலத்துக்குள் செய்து முடித்த மர ஸ்தபதியை பாராட்டி மன்னா் திருமலைநாயக்கா் அவருக்கு ஆயிரம் பொற்காசுகளை வழங்கிப் பாராட்டினாா். இதன் காரணமாக, சப்பரத் தோ் ஆயிரம் பொன் சப்பரம் என அழைக்கப்பட்டது. அதே பெயரால் தற்போதும் அழைக்கப்படுகிறது. கள்ளழகா் ஆயிரம் பொன் சப்பரத்தில் எழுந்தருளுவது காலப்போக்கில் நிறுத்தப்பட்டது.

இதற்குரிய சப்பரத் தோ் பராமரிப்பின்றி தல்லாகுளம் பிரசன்ன வெங்கடாசலபதி கோயில் முன் உள்ள மண்டபத்தில் இருப்பதை அறிந்த அழகா்கோயில் துணை ஆணையா் மு.ராமசாமி அதைச் சீரமைக்க உத்தரவிட்டாா். சப்பரத் தேரில் தலையலங்காரம், கூண்டு அமைக்கும் பணிகள் நடைபெற உள்ளது. நூறாண்டுகளுக்குப் பிறகு கள்ளழகா் சப்பரத் தேரில் எழுந்தருளும் நிகழ்வு நடைபெற உள்ளதால், பக்தா்கள் மிகுந்த எதிா்பாா்ப்பில் உள்ளனா்.

கள்ளழகா் ஆற்றில் இறங்கும் நிகழ்ச்சிக்காக வைகை அணையில் இருந்து ஏப்.30 முதல் மே 5-ஆம் தேதி வரை என 6 நாள்களுக்கு தண்ணீா் திறந்து விடப்பட உள்ளது.

இதுகுறித்து தமிழக அரசு  வெளியிட்டிருந்த செய்திக் குறிப்பில், மதுரையில் கள்ளழகா் வைகையாற்றில் எழுந்தருளும் வைபவம் வெகுவிமா்சையாக நடைபெறுவது வழக்கம். இதற்காகவும், குடிநீா்த் திட்டக் கிணறுகளின் நீா் ஆதாரத்தைப் பெருக்கவும், வைகை அணையில் இருந்து ஏப்.30 முதல் மே 5-ஆம் தேதி வரை 216 மில்லியன் கனஅடி வரை தண்ணீா் திறந்துவிடப்படும் என்று தெரிவிக்கப்பட்டுள்ளது.