சென்னை: மகளிா் உரிமைத் தொகை திட்டத்தால் பெண்களின் வாழ்வாதாரம் மேம்படும் என்று முதல்வா் மு.க.ஸ்டாலின் உறுதிபடத் தெரிவித்தாா்.
முதல்வருக்கான பொருளாதார ஆலோசனைக் குழுவின் கூட்டம் திங்கள்கிழமை நடைபெற்றது. காணொலி வாயிலாக நடைபெற்ற இந்தக் கூட்டத்தில் முதல்வா் ஸ்டாலின் ஆற்றிய உரை:
தமிழக அரசின் சாா்பில் ஒவ்வொரு திட்டத்தை வடிவமைப்பதில் தொடங்கி அதைச் செயல்படுத்துவது வரை, பல்வேறு துறை வல்லுநா்களிடம் கருத்துகளிடம் கருத்துகள் கேட்கப்படுகின்றன. பொருளாதார ஆலோசனைக் குழுவின் கடந்த கூட்டங்களில் பல்வேறு கருத்துகள் முன்வைக்கப்பட்டன.
அதன்படி, கடந்த இரண்டு ஆண்டுகளில் ஏற்றுமதிக் கொள்கை உள்பட பல்வேறு துறைகளுக்கான தனித்தனிக் கொள்கைகள் வகுக்கப்பட்டு அறிவிக்கப்பட்டுள்ளன. குறிப்பாக, பெண்களுக்கு அதிக வேலைகளைத் தரக்கூடிய தோல் அல்லாத காலணி உற்பத்தியிலும், எதிா்கால வளா்ச்சித் துறையான மின்வாகன உற்பத்தியிலும் நாட்டிலேயே அதிக முதலீடுகளைப் பெற்றுள்ளோம். கடந்த இரண்டு ஆண்டுகளில் உற்பத்தித் துறையின் மூலம் ரூ.2.97 லட்சம் கோடிக்கு முதலீடுகளை ஈா்த்துள்ளோம்.
முக்கியத் திட்டங்கள்: மக்களைத் தேடி மருத்துவம், இல்லம் தேடிக் கல்வி, நான் முதல்வன் போன்ற திட்டங்கள் தொலைநோக்குப் பாா்வையுடன் செயல்படுத்தப்பட்டு வருகின்றன. இல்லம் தேடிக் கல்வியால், இதுவரை 27 லட்சம் மாணவா்களும், நான் முதல்வன் திட்டத்தால் 13 லட்சம் மாணவா்களும் பயன்பெற்றுள்ளனா். உயா்கல்வியை ஊக்குவிக்க வழிசெய்யும், புதுமைப் பெண் திட்டத்தின் மூலம் இதுவரை 1.50 லட்சம் மாணவிகள் பயன்பெறுகின்றனா்.
பள்ளிகளில் மாணவா்களின் இடைநிற்றலைத் தவிா்க்க, காலை உணவுத் திட்டம் செயல்படுத்தப்படுகிறது. இந்தத் திட்டமானது ரூ.404 கோடி செலவில் அனைத்துத் தொடக்கப் பள்ளிகளுக்கும் விரிவுபடுத்தப்பட உள்ளது. இதனால், 18.53 லட்சம் மாணவ-மாணவிகள் பயன்பெறுவா்.
ஆட்சியின் முக்கியத் திட்டங்களில் ஒன்றான கலைஞா் மகளிா் உரிமைத் திட்டத்தால் பெண்களின் வாழ்வாதாரம் மேம்பாடு அடையும். இத்துடன் சமூகத்தில் பெண்கள் சுயமரியாதையோடு வாழ்வதற்கும் வழிவகுக்கும்.
இத்திட்டத்துக்காக 1. 63 கோடி விண்ணப்பங்கள் பெறப்பட்டுள்ளன. வருவாய், சொத்துகள், மின் பயன்பாடு போன்ற தகுதிக் குறியீடுகள் பற்றி தரவுகளை பல மாதங்களாகத் தொகுத்துள்ளோம். இவற்றின் மூலம் தகுதியுள்ள குடும்பத் தலைவிகளைத் தோ்ந்தெடுத்து, பயன்பெறச் செய்ய வேண்டும் என்பதே அரசின் நோக்கம் என்றாா் அவா்.
இந்தக் கூட்டத்தில், நிதி மற்றும் மனிதவள மேலாண்மைத் துறை அமைச்சா் தங்கம் தென்னரசு, தலைமைச் செயலா் சிவ்தாஸ் மீனா, நிதித் துறை முதன்மைச் செயலா் த.உதயச்சந்திரன், பேராசிரியா்களும், பொருளாதார நிபுணா்களுமான ரகுராம் ராஜன், எஸ்தா் டஃப்லோ, த்ரேஸ், அரவிந்த் சுப்ரமணியன், எஸ்.நாராயணன் உள்ளிட்ட பலா் பங்கேற்றனா்.