தங்கம் விலை பவுனுக்கு ரூ.280 குறைவு

சென்னையில் ஆபரணத் தங்கம் விலை வியாழக்கிழமை பவுனுக்கு ரூ. 280 குறைந்து, ரூ.42,240-க்கு விற்பனையாகிறது.

சா்வதேசப் பொருளாதார நிலவரத்துக்கு ஏற்ப இந்தியாவில் தங்கத்தின் விலையில் ஏற்ற, இறக்கங்கள் நிலவுகின்றன. கடந்த 3 நாள்களாக தங்கத்தின் விலை குறைந்து வந்தது.

இந்த நிலையில், தங்கம் விலை 4-ஆவது நாளாக வெள்ளிக்கிழமை மேலும் குறைந்திருந்தது. சென்னையில் ஆபரணத் தங்கத்தின் விலை கிராமுக்கு ரூ.35 குறைந்து, ரூ.5,280-க்கு விற்பனையாகிறது. பவுனுக்கு ரூ.280 குறைந்து, ரூ.42, 240-க்கு விற்பனையாகிறது.

24 காரட் சுத்த தங்கத்தின் விலை 8 கிராம் ரூ.45, 136-க்கு விற்பனையாகிறது. இதேபோல், ஒரு கிராம் வெள்ளி ரூ.71.80-க்கு விற்பனையாகிறது. ஒரு கிலோ பாா் வெள்ளியின் விலை ரூ.71,800-ஆக உள்ளது.