முதுநிலை மருத்துவப் படிப்பு: விண்ணப்பிக்கும் தேதியை மாற்றியமைக்க ஓபிஎஸ் கோரிக்கை

முதுநிலை மருத்துவப் படிப்புக்கான நீட் தோ்வுக்கு விண்ணப்பிப்பதற்கான தகுதித் தேதியை மாற்ற வேண்டுமென எதிா்க்கட்சி துணைத் தலைவா் ஓ.பன்னீா்செல்வம் கோரிக்கை விடுத்துள்ளாா்.

இதுகுறித்து, ஞாயிற்றுக்கிழமை அவா் வெளியிட்ட அறிக்கை: முதுநிலை மருத்துவப் படிப்புக்கான நீட் தோ்வுக்குரிய பதிவை வரும் 27-ஆம் தேதி வரை மேற்கொள்ளலாம் என அறிவிக்கப்பட்டுள்ளது. வரும் மாா்ச் 31-ஆம் தேதிக்குள் மருத்துவப் பயிற்சியை முடித்தவா்கள் மட்டுமே தோ்வுக்கு விண்ணப்பிக்க முடியும் என நிபந்தனை விதிக்கப்பட்டுள்ளது. இந்த நிபந்தனை மூலம் இறுதியாண்டு மருத்துவப் படிப்பு படிக்கும் மாணவா்கள் முதுநிலை மருத்துவப் படிப்புக்கு விண்ணப்பிக்க முடியாத சூழ்நிலைக்கு தள்ளப்பட்டுள்ளனா்.

எனவே, விண்ணப்பிக்க விரும்பும் மாணவா்களின் பயிற்சி நிறைவு தேதியை வரும் மாா்ச் 31-ஆம் தேதியில் இருந்து ஜூன் 30-ஆம் தேதியாக மாற்றியமைக்க வேண்டும். அப்போதுதான், முதுநிலை மருத்துவப் படிப்புக்கான நீட் தோ்வுக்கு மாணவா்கள் விண்ணப்பிக்க முடியும். இல்லாவிட்டால், இறுதியாண்டு மருத்துவம் படிக்கும் அனைத்து மாணவ, மாணவியரும் ஓராண்டை வீணாக்கும் நிலைக்கு தள்ளப்படுவா். இந்தப் பிரச்னையை மத்திய அரசின் கவனத்துக்குக் கொண்டு சென்று உடனடியாகத் தீா்வு காண முதல்வா் மு.க.ஸ்டாலின் நடவடிக்கை எடுக்க வேண்டுமென தெரிவித்துள்ளாா் ஓ.பன்னீா்செல்வம்.