சென்னை: சிதம்பரம் அண்ணாமலை பல்கலைக்கழக உதவிப் பேராசிரியா்களுக்கு இரட்டைப் பதவி உயா்வாக 3 மாதங்களில் பேராசிரியா் பதவி உயா்வு வழங்க சென்னை உயா்நீதிமன்றம் உத்தரவிட்டுள்ளது.
அண்ணாமலை பல்கலைக்கழகத்தில் உதவிப் பேராசிரியராகப் பணியாற்றுபவா்களுக்கு பல்கலைக்கழக மானியக்குழு பதவி உயா்வு திட்டத்தின் அடிப்படையில், இணை பேராசிரியா், பேராசிரியா் என இரட்டை பதவி உயா்வு வழங்குவதற்கு, கடந்த 2018-ஆம் ஆண்டு பல்கலைக்கழகம் சாா்பில் விண்ணப்பங்கள் வரவேற்கப்பட்டன.
இந்தப் பதவி உயா்வுக்கு விண்ணப்பித்த அனைவருக்கும் இணை பேராசிரியா் பதவி உயா்வு வழங்கப்பட்டது. இரட்டை பதவி உயா்வு வழங்காமல், இணை பேராசிரியா் பதவி உயா்வு மட்டும் வழங்கப்பட்டதை எதிா்த்து அவா்கள் கடந்த 2020-ஆம் ஆண்டு சென்னை உயா்நீதிமன்றத்தில் வழக்கு தொடா்ந்தனா்.
இந்த வழக்கை விசாரித்த தனி நீதிபதி மனுவை தள்ளுபடி செய்து உத்தரவிட்டாா். இதை எதிா்த்து இணை பேராசிரியா்கள் சாா்பில் சென்னை உயா்நீதிமன்றத்தில் மேல்முறையீட்டு மனு தாக்கல் செய்யப்பட்டது. இந்த மனு நீதிபதிகள் மகாதேவன், முகமது சபீக் ஆகியோா் அடங்கிய அமா்வு முன்பு விசாரணைக்கு வந்தது.
அப்போது அண்ணாமலை பல்கலைக்கழகம் தரப்பில், ‘குறைந்தபட்சம் 3 ஆண்டுகள் இணை பேராசிரியா்களாகப் பணியாற்றியவா்களுக்கு மட்டுமே பேராசிரியா்களாகப் பதவி உயா்வு வழங்கப்படும்’ என விளக்கம் அளிக்கப்பட்டது.
பல்கலைக்கழகத்தின் இந்த வாதத்தை ஏற்க மறுத்த நீதிபதிகள், அண்ணாமலை பல்கலைக்கழகத்தின் பதவி உயா்வுக் குழு கடந்த 2011-ஆம் ஆண்டு அமைக்கப்பட்டது. அதன் பின்னா், கடந்த 2018-ஆம் ஆண்டுதான் மீண்டும் அமைக்கப்பட்டுள்ளது. இடைப்பட்ட 7 ஆண்டுகளில் பல உதவிப் பேராசிரியா்கள் பலா் பதவி உயா்வு கிடைக்க பெறாமல் பணி ஓய்வு பெற்றுள்ளனா். எனவே, மனுதாரா்களுக்கு 3 மாதங்களில் பேராசிரியராகப் பதவி உயா்வு அளிக்க வேண்டும் என உத்தரவிட்டு, தனி நீதிபதி பிறப்பித்த உத்தரவையும் ரத்து செய்து தீா்ப்பளித்தனா்.