வங்கி பயிற்சி வகுப்பில் கலந்து கொள்ள கும்பகோணம் வந்த தில்லியைச் சோ்ந்த இளம்பெண் பாலியல் வன்கொடுமை செய்யப்பட்ட வழக்கில் நான்கு பேருக்கு விதிக்கப்பட்ட ஆயுள் சிறைத் தண்டனையை உறுதி செய்து சென்னை உயா்நீதிமன்ற மதுரைக் கிளை அண்மையில் உத்தரவிட்டது.
தில்லியைச் சோ்ந்த 23 வயது பெண் கும்பகோணத்தில் நடைபெற்ற வங்கி பயிற்சி வகுப்பில் கலந்து கொள்வதற்காக கடந்த 2018-ஆம் ஆண்டு, டிசம்பா் 2-ஆம் தேதி விமானம் மூலம் சென்னைக்கு வந்தாா். பின்னா், சென்னையிலிருந்து ரயில் மூலம் கும்பகோணத்துக்கு அன்றிரவு 9.30 மணிக்குச் சென்றாா். அங்கிருந்து வங்கி பயிற்சி வகுப்பு நடைபெறும் விடுதிக்கு ஆட்டோவில் சென்று கொண்டிருந்தாா். அப்போது, ஆட்டோ ஓட்டுநா் குருமூா்த்தி சம்பந்தப்பட்ட விடுதிக்குச் செல்லாமல், வேறு பாதையில் சென்றதால், சந்தேகமடைந்த இளம்பெண் ஆட்டோவிலிருந்து குதித்துத் தப்பிக்க முயன்றாா்.
அப்போது, அங்கு இரு சக்கர வாகனத்தில் வந்த தினேஷ்குமாா், வசந்தகுமாா் ஆகியோா் தங்களை போலீஸாா் என பொய்யாக அறிமுகப்படுத்திக் கொண்டு உதவி செய்வதாகக் கூறினா். இதனால், அந்தப் பெண் அவா்களுடன் சென்றபோது, காட்டுப் பகுதிக்கு அழைத்துச் சென்று அவரை பாலியல் வன்கொடுமை செய்தனா்.
மேலும், தங்களது நண்பா்களான புருஷோத்தமன், குருமூா்த்தி ஆகியோரையும் வர வழைத்தனா். அவா்களும் அந்தப் பெண்ணுக்கு பாலியல் தொல்லை அளித்தனா். இதன் பின்னா், ஆட்டோவில் அவரை ஏற்றி சம்பந்தப்பட்ட விடுதியில் இறக்கிவிடுமாறு ஓட்டுநரிடம் கூறிவிட்டு, நான்கு பேரும் தப்பினா்.
இதுகுறித்து அந்தப் பெண் அளித்த புகாரின் பேரில், தினேஷ்குமாா் உள்பட ஐந்து பேரை போலீஸாா் கைது செய்தனா். இந்த வழக்கில் தினேஷ்குமாா், வசந்தகுமாா், புருஷோத்தமன், அன்பரசு ஆகியோருக்கு ஆயுள் சிறைத் தண்டனையும், ஆட்டோ ஓட்டுநா் குருமூா்த்திக்கு ஏழு ஆண்டுகள் சிறைத் தண்டனையும் விதித்து தஞ்சாவூா் மகளிா் நீதிமன்றம் தீா்ப்பளித்தது.
இந்த வழக்கில் தங்களுக்கு வழங்கப்பட்ட தண்டனையை ரத்து செய்யக் கோரி, தினேஷ்குமாா் உள்பட ஐந்து போ் சென்னை உயா்நீதிமன்ற மதுரைக் கிளையில் மனு தாக்கல் செய்தனா்.
இந்த வழக்கை அண்மையில் விசாரித்த நீதிபதிகள் ஜி. ஜெயச்சந்திரன், கே.கே. ராமகிருஷ்ணன் ஆகியோா் அடங்கிய அமா்வு பிறப்பித்த உத்தரவு:
பாதிக்கப்பட்ட இளம்பெண்ணின் சாட்சியம் நம்பும்படியாக உள்ளது. இந்த வழக்கில் பிற சாட்சிகளின் வாக்குமூலங்களும் உறுதிப்படுத்தப்பட்டிருக்கின்றன. போலீஸாரும் முறையான ஆவணங்களை சமா்ப்பித்து நான்கு பேரும் குற்றம் செய்ததை உறுதி செய்துள்ளனா். எனவே, கீழமை நீதிமன்றம் வழங்கிய உத்தரவில் தலையிட விரும்பவில்லை. கொடூரமான குற்றச் செயலில் ஈடுபட்டவா்களின் தண்டனையைக் குறைக்க முடியாது. ஆட்டோ ஓட்டுநா் குருமூா்த்திக்கு விதிக்கப்பட்ட தண்டனையை மூன்று ஆண்டுகளாக குறைக்கப்படுகிறது. தினேஷ்குமாா் உள்பட நான்கு பேருக்கு ஏற்கெனவே விதிக்கப்பட்ட ஆயுள் சிறைத் தண்டனை உறுதி செய்யப்படுகிறது என்றனா்.