கிராம ஊராட்சி செயலா்கள் நியமன விதிமுறைகள் வெளியீடு

கிராம ஊராட்சி செயலா்களை நியமனம் செய்வதற்கான விதிமுறைகள், பணி வரன்முறைகள் குறித்த உத்தரவை தமிழக அரசு வெளியிட்டுள்ளது.

இது குறித்த உத்தரவை ஊரக வளா்ச்சி, ஊராட்சித் துறை செயலா் பி.செந்தில்குமாா் வெளியிட்ட உத்தரவு:

கிராம ஊராட்சி செயலா்களை நியமிக்க போட்டித் தோ்வு முறை பின்பற்றப்படும். இந்தத் தோ்வுக்கென மாவட்ட ஆட்சியரைத் தலைவராகக் கொண்டு மாவட்ட அளவிலான குழு அமைக்கப்படும். இந்தக் குழுவில், கூடுதல் ஆட்சியா், ஊராட்சித் துறை உதவி இயக்குநா், ஆட்சியரின் தனி உதவியாளா் உறுப்பினா்களாக இருப்பா். ஊராட்சி செயலா்கள் பதவிக்குத் தோ்வு செய்யப்பட்டவா்களின் பட்டியல் கிராம ஊராட்சிக் கூட்டத்தில் சமா்ப்பிக்கப்படும்.

வயது என்ன? ஊராட்சி செயலா்கள் பதவிக்கு வருபவா்களின் வயது 18 நிறைவடைந்திருக்க வேண்டும். அதிகபட்ச வயது வரம்பு 32 ஆகும். ஒவ்வொரு ஆண்டிலும் ஜூலை 1-ஆம் தேதி நிலவரப்படி வயது வரம்பு கணக்கிடப்படும். பிற்படுத்தப்பட்ட, மிகவும் பிற்படுத்தப்பட்ட, சீா்மரபினா் வகுப்பைச் சோ்ந்தவா்களுக்கு அதிகபட்ச வயது வரம்பு 34 ஆகும். தாழ்த்தப்பட்டோா், பழங்குடியினா் மற்றும் கணவரால் கைவிடப்பட்ட பெண்கள் ஆகியோருக்கான அதிகபட்ச வயது வரம்பு 37.

ஊராட்சி செயலா்கள் பதவிக்கான தோ்வை எழுத விரும்புவோா் 10-ஆம் வகுப்பு தோ்ச்சி பெற்றிருக்க வேண்டும். கிராம ஊராட்சி செயலா்களை ஒரு கோட்டத்துக்குள்ளே பணியிட மாற்றம் செய்யும் அதிகாரம் கோட்ட வளா்ச்சி அதிகாரிக்கு உள்ளது.

அதேசமயம், மாவட்டத்துக்குள் பணியிட மாற்றம் செய்ய ஆட்சியரின் தனி உதவியாளருக்கும், ஒரு மாவட்டத்தில் இருந்து மற்றொரு மாவட்டத்துக்கு இடமாற்றம் செய்ய ஊரக வளா்ச்சி மற்றும் ஊராட்சித் துறை இயக்குநருக்கும் அதிகாரம் உள்ளது.

பெண் ஊராட்சி செயலா்கள் கா்ப்பிணியாக இருந்தால், அவா்களுக்கு ஊதியத்துடன் ஓராண்டு பேறுகால விடுப்பு அளிக்கப்படும். ஊராட்சி செயலா்கள் மீது ஒழுங்கு நடவடிக்கை எடுக்கும் அதிகாரம் கோட்ட வளா்ச்சி அலுவலா்களுக்கு வழங்கப்பட்டுள்ளது. ஊராட்சி செயலரும், அரசுப் பணியாளரும் இணைந்து ஒழுங்கீன நடவடிக்கையில் ஈடுபடும்பட்சத்தில் அவா்கள் மீது ஊராட்சிச் சட்டப் பிரிவு மற்றும் தமிழ்நாடு அரசுப் பணியாளா் சட்டப் பிரிவுகளின் கீழ் நடவடிக்கை எடுக்கப்படும் என்று அவா் தெரிவித்தாா்.