ஓரிரு இடங்களில் மழைக்கு வாய்ப்பு

தமிழகம், புதுச்சேரியில் மேலும் 6 நாள்களுக்கு ஓரிரு இடங்களில் மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

இது குறித்து வானிலை ஆய்வு மையம் புதன்கிழமை வெளியிட்ட அறிவிப்பு: தமிழக பகுதிகளின் மேல் நிலவும் வழிமண்டல கீழடுக்கு சுழற்சி காரணமாக வியாழக்கிழமை முதல் செவ்வாய்க்கிழமை (ஆக.17-22) வரை 6 நாள்களுக்கு தமிழ்நாடு, புதுச்சேரி, காரைக்கால் பகுதிகளில் ஓரிரு இடங்களில் இடி, மின்னலுடன் கூடிய லேசானது முதல் மிதமான மழை பெய்யக்கூடும்.

தமிழகம், புதுச்சேரியில் வியாழக்கிழமை (ஆக. 17) ஓரிரு இடங்களில் அதிகபட்ச வெப்பநிலை 102.2 டிகிரி ஃபாரன்ஹீட் என்ற அளவிலும் சில இடங்களில் இயல்பிலிருந்து 2 முதல் 4 டிகிரி அதிகமாக இருக்கக்கூடும் என தெரிவிக்கப்பட்டுள்ளது.

புதன்கிழமை காலை வரை பதிவான மழை அளவு (மி.மீ): மேட்டுப்பட்டி (மதுரை)-60 , பெரியப் பட்டி(மதுரை)-50, எம்.ஆா்.சி. நகா் (சென்னை), தென்பரநாடு, (திருச்சி), பஞ்சப்பட்டி(கரூா்), கும்மிடிப்பூண்டி, சோழவரம் (திருவள்ளூா்) தலா 30, நுங்கம்பாக்கம் (சென்னை), மாயனூா் (கரூா்) தலா 20.

3 இடங்களில் வெயில் சதம்: புதன்கிழமை பதிவான வெப்ப அளவு (ஃபாரன்ஹீட்): கரூா் - 104, பாளையங்கோட்டை - 103.64, ஈரோடு - 101.48.