முதல்வர் ஸ்டாலின் தலைமையில் அமைச்சரவைக் கூட்டம் தொடங்கியது!

தமிழக அமைச்சரவைக் கூட்டம் முதல்வா் மு.க.ஸ்டாலின் தலைமையில் தொடங்கி நடைபெற்று வருகின்றது.

சென்னை தலைமைச் செயலகத்தில் உள்ள அமைச்சரவைக் கூட்ட அரங்கில் நடைபெற்று வரும் கூட்டத்தில் அமைச்சர்கள் பங்கேற்றுள்ளனர்.

ஆங்கிலப் புத்தாண்டையடுத்து, தமிழக சட்டப்பேரவையின் புதிய கூட்டத்தொடா் ஆளுநா் ஆா்.என்.ரவி உரையுடன் ஜனவரி 9ஆம் தேதி தொடங்கவுள்ள நிலையில் ஆளுநா் உரைக்கு ஒப்புதல், புதிய அறிவிப்புகள் ஆகியன குறித்து அமைச்சரவைக் கூட்டத்தில் விவாதித்து வருவதாக தகவல்கள் வெளியாகியுள்ளது.

இதையும் படிக்க | பெண் காவலருக்கு பாலியல் தொந்தரவு: 2 திமுகவினர் நீக்கம்; காவல்துறை கைது

மேலும், பேரவைக் கூட்டத் தொடரில் கொண்டு வரப்பட வேண்டிய முக்கிய சட்ட மசோதாக்கள் தொடா்பாகவும் ஆலோசனை நடைபெறுகிறது.

அமைச்சரவையில் புதிதாக இணைந்துள்ள உதயநிதி ஸ்டாலின் பங்கேற்றுள்ள முதல் அமைச்சரவைக் கூட்டம் இது என்பது குறிப்பிடத்தக்கது.