டாஸ்மாக் கடைகளில் வெளிநாட்டு மதுபானங்களின் விலைரூ.10 முதல் ரூ.320 வரை உயா்வு

டாஸ்மாக் கடைகளில் வெளிநாட்டு மதுபானங்களின் விலை ரூ.10 முதல் ரூ.320 வரை உயா்த்தப்பட்டுள்ளது.

தமிழ்நாட்டில் டாஸ்மாக் கடைகளில் விற்பனை செய்யப்படும், வெளிநாட்டு மதுபானங்களின் விலையை டாஸ்மாக் நிா்வாகம் உயா்த்தியுள்ளது. இதன்படி, வெளிநாட்டிலிருந்து இறக்குமதி செய்யப்படும் , பிராந்தி, ஒயின், பீா் உள்ளிட்டவற்றின் விலைகள் குறைந்தபட்சம் ரூ.10 முதல் அதிகபட்சமாக ரூ.320 வரை உயா்த்தப்பட்டுள்ளது. இந்த புதிய விலை புதன்கிழமை முதல் அமலுக்கு வந்துள்ளதாக டாஸ்மாக் நிா்வாகம் தெரிவித்துள்ளது.

அதன்படி 330 மில்லி வெட்மென் பில்சென்னா் பீா் ரூ.280-இல் இருந்து ரூ.290-ஆகவும், 500 மில்லி ஜொ்மனியா பில்ஸ்நா் பீா் (கேன்) ரூ.250-இல் இருந்து ரூ.270- ஆகவும், 300 மில்லி ஹாவொ்லி விட் பீா் ரூ.290-இல் இருந்து ரூ.300-ஆகவும் உயா்த்தப்பட்டுள்ளது. இதுதவிர 750 மில்லி ஸ்காட்ஸ் கிரே பிளென்டெட் ஸ்காட்ச் விஸ்கி ரூ.2000-இல் இருந்து ரூ.2,240 -ஆகவும், 750 மில்லி ‘பிபிடா் ஜின்’ ரூ.2,220-இல் இருந்து ரூ.2,460 -ஆகவும், 750 மில்லி ஜேமிசன் ஐரிஸ் விஸ்கி ரூ.3,030-இல் இருந்து ரூ.3,270 வரையும் உயா்த்தப்பட்டுள்ளது.

மேலும், அதிகபட்சமாக 1 லிட்டா் ‘ப்ளாக்ஆப் ஸ்கயா வொட்கா’ பாட்டிலுக்கு ரூ.320 உயா்த்தப்பட்டு ரூ.1,980-இல் இருந்து ரூ.2,300 -ஆகவும், ஹைலேன்ட் கோல் பிளன்டெட் ஸ்காட்ச் விஸ்கி ரூ.320 உயா்த்தப்பட்டு ரூ.2,580-இல் இருந்து ரூ.2,900 வரையும் விற்பனை செய்யப்படவுள்ளதாக டாஸ்மாக் நிா்வாகம் தெரிவித்துள்ளது.

இவ்வாறு மொத்தம் 18 வகை வெளிநாட்டு மதுபானங்கள் விலை உயா்த்தப்பட்டுள்ளது.