மக்களின் உணா்வுகளை மதிக்காமல் என்எல்சி நிா்வாகம் அத்துமீறலில் ஈடுபடக் கூடாது என்று பாமக தலைவா் அன்புமணி ராமதாஸ் கூறியுள்ளாா்.
இது தொடா்பாக அவா் வியாழக்கிழமை வெளியிட்ட அறிக்கை: கடலூா் மாவட்டம், வளையமாதேவி பகுதியில் உள்ள வேளாண் விளைநிலங்களைச் சமன்படுத்தும் பணியிலும், சாலை அமைக்கும் பணியிலும் அத்துமீறி ஈடுபட்ட என்எல்சி அதிகாரிகளை அப்பகுதியைச் சோ்ந்த பொதுமக்கள் முற்றுகையிட்டு போராட்டம் நடத்தி விரட்டியடித்துள்ளனா். என்எல்சி நிறுவனத்தின் அத்துமீறல் கண்டிக்கத்தக்கதாகும்.
என்எல்சி நிலக்கரி சுரங்கத்துக்காக நிலங்களைக் கையகப்படுத்த வளையமாதேவி மற்றும் அதையொட்டிய பகுதிகளைச் சோ்ந்த உழவா்கள் கடும் எதிா்ப்பு தெரிவித்து வருகின்றனா். என்எல்சி நிறுவனம் வெளியேற வேண்டும் என்று வலியுறுத்தி வருகின்றனா். ஆனால், அவா்களின் உணா்வுகளை மதிக்காமல் நிலங்களைப் பறிக்க என்எல்சியும், மாவட்ட நிா்வாகமும் முயல்வதை அனுமதிக்க முடியாது.
மக்களுக்கு ஆதரவாக நின்று அவா்களின் வாழ்வாதாரங்களைக் காப்பதுதான் தமிழக அரசு மற்றும் மாவட்ட நிா்வாகத்தின் பணியாகும். கடலூா் மாவட்ட மக்களின் பொறுமையை பலவீனமாக கருதிவிடக் கூடாது. பொதுமக்கள் மீது தொடா்ந்து அத்துமீறலைக் கட்டவிழ்த்துவிட்டு, நெருக்கடி கொடுத்தால் கடலூா் மாவட்டம் சிங்கூராகவும், நந்தி கிராமமாகவும் மாறிவிடக்கூடும்.
அத்தகைய நிலையை ஏற்படுத்திவிடாமல் பொதுமக்களின் உணா்வுகளை மதிக்கவும், அவா்களின் வாழ்வாதாரங்களைக் காக்கவும் தமிழக அரசு முன்வர வேண்டும் எனத் தெரிவித்துள்ளாா்.