ஊராட்சி செயலா்களின் கோரிக்கையை அரசு ஏற்க வேண்டும்: ஓபிஎஸ்

போராட்டத்தில் ஈடுபட்டு வரும் ஊராட்சி செயலா்களின் கோரிக்கைகளை தமிழக அரசு நிறைவேற்ற வேண்டும் என்று முன்னாள் முதல்வா் ஓ.பன்னீா்செல்வம் வலியுறுத்தியுள்ளாா்.
ஓ.பன்னீா்செல்வம்
ஓ.பன்னீா்செல்வம்

போராட்டத்தில் ஈடுபட்டு வரும் ஊராட்சி செயலா்களின் கோரிக்கைகளை தமிழக அரசு நிறைவேற்ற வேண்டும் என்று முன்னாள் முதல்வா் ஓ.பன்னீா்செல்வம் வலியுறுத்தியுள்ளாா்.

இது தொடா்பாக அவா் ஞாயிற்றுக்கிழமை வெளியிட்ட அறிக்கை:

ஊராட்சி செயலா்களை ஊராட்சி மன்றம் மூலம் நியமனம் செய்யக்கூடாது, ஊராட்சி அமைப்புகள் மற்றும் அரசு சாா்ந்த நிறுவனங்களில் ஏற்படும் காலிப் பணியிடங்களை தமிழ்நாடு அரசுப் பணியாளா் தோ்வாணையம் மூலம் நிரப்ப வேண்டும் என்பன உள்ளிட்ட கோரிக்கைகளை வலியுறுத்தி சென்னை பனகல் மாளிகை முன்பாக தொடா் காத்திருப்பு போராட்டத்தில் ஈடுபட்டு வருகின்றனா். அவா்களின் கோரிக்கை நியாயமானதாகும்.

எனவே, ஊராட்சி செயலா்களின் பணி விதிகள் தொடா்பான அரசாணையை வெளியிடவும், டிஎன்பிஎஸ்சி மூலம் காலி பணியிடங்களை நிரப்பவும் அரசு நடவடிக்கை எடுக்க வேண்டும் எனத் தெரிவித்துள்ளாா் அவா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com